ہدایت کا نور اور ظلمات کے اندھیرے

کے لئے بندۂ مومن کے دل میں اس قرآن کریم کی مثال اس چراغ سے بیان فرمائی ہے جو طاق میں ہو،اور یہ آیت کریمہ سراپا مثال ہی ہے،اللہ سبحانہ وتعالیٰ علم کی بنیاد پر مثالیں بیان فرماتا ہے[1]۔ امام ابن کثیر رحمہ اللہ نے ذکر کیا ہے کہ ابی بن کعب رضی اللہ عنہ نے﴿نُّورٌ عَلَىٰ نُورٍ﴾کی تفسیرمیں فرمایا:’’یہ بندہ کا ایمان اور اس کا عمل ہے‘‘:چنانچہ وہ پانچ طرح کی روشنیوں میں گھراہوتا ہے:اس کا کلام نور ہے،اس کا عمل نور ہے،اس کا مدخل نور ہے،اس کا مخرج نور ہے اور اس کا انجام کار بھی قیامت کے روز نوریعنی جنت ہوگا‘‘[2]۔ علامہ عبد الرحمن سعدی رحمہ اللہ نے بھی اس آیت کریمہ کی تفسیر پر گفتگو فرمائی ہے(فرماتے ہیں:)﴿مَثَلُ نُورِهِ﴾اس کے نور کی مثال جس کی طرف وہ رہنمائی فرماتا ہے وہ مومن کے دل میں ایمان اور قرآن کا نور ہے،﴿كَمِشْكَاةٍ﴾اس طاق کی مانند ہے﴿فِيهَا مِصْبَاحٌ﴾جس میں چراغ ہو کیونکہ طاق چراغ کی روشنی کو اکٹھا کئے ہوتا ہے منتشر نہیں ہونے دیتا،﴿الْمِصْبَاحُ فِي زُجَاجَةٍ﴾چراغ شیشہ کی قندیل میں ہے اور ’’شیشہ‘‘ اپنی صفائی اور حسن میں﴿كَأَنَّهَا كَوْكَبٌ دُرِّيٌّ﴾روشن ستارہ کی مانند ہے‘ یعنی موتی کی طرح روشن ہے﴿يُوقَدُ﴾وہ چراغ جو اس شیشہ کی قندیل میں ہے﴿مِن شَجَرَةٍ مُّبَارَكَةٍ زَيْتُونَةٍ﴾ایک بابرکت زیتون کے درخت سے جلایا جاتا ہے یعنی زیتون کے تیل سے روشن کیاجاتا ہے‘ جس کی آگ انتہائی روشن ہوتی ہے﴿لَّا شَرْقِيَّةٍ﴾وہ نہ صرف مشرقی ہے کہ دن کے آخری پہر میں اسے سورج کی دھوپ نہ لگے﴿وَلَا غَرْبِيَّةٍ﴾اور نہ ہی صرف مغربی ہے کہ دن کے ابتدائی حصہ میں دھوپ نہ لگے،اور جب دونوں صورتوں کی نفی ہوگئی تو وہ زمین کے درمیانی حصہ میں قرار پایا‘ جیسے(ملک)شام کا زیتون کہ دن کے اول وآخر دونوں حصوں میں اسے دھوپ لگتی ہے،چنانچہ وہ بہت ہی عمدہ اور بہتر ہوتا ہے اور اس کا تیل انتہائی صاف ستھرا ہوتا ہے،اسی لئے فرمایا﴿يُضِيءُ وَلَوْ لَمْ تَمْسَسْهُ نَارٌ ۚ﴾خود ہی روشنی دینے لگے اگر چہ اسے آگ نہ بھی چھوئے،اور جب آگ بھی لگادی جائے تو وہ خوب خوب روشنی دے گا،﴿نُّورٌ عَلَىٰ

[1] دیکھئے:جامع البیان عن تاویل آی القرآن للطبری،19/188۔ [2] تفسیر القرآن العظیم لابن کثیر،3/281،نیز دیکھئے:تفسیر البغوی،3/374۔