ہدایت کا نور اور ظلمات کے اندھیرے

پاکیزہ زندگی کی بنیادہیں[1]۔ اور پاکیزہ زندگی‘ پاکیزہ حلال روزی‘ قناعت،نیک بختی،دنیا میں عبادت کی لذت و حلاوت اور انشراح صدر کے ساتھ اطاعت کے کاموں کی بجا آوری کو شامل ہے[2]۔ امام حافظ ابن کثیر رحمہ اللہ فرماتے ہیں:’’صحیح بات یہ ہے کہ پاکیزہ زندگی ان(مذکورہ)تمام چیزوں کو شامل ہے‘‘[3]۔ نبی کریم صلی اللہ علیہ وسلم فرماتے ہیں: ’’قد أفلح من أسلم،ورزق کفافاً وقنعہ اللّٰه بما آتاہ‘‘[4]۔ جو شخص اسلام لایا،اسے بقدر کفاف(گزربسرکی)روزی عطاہوئی اور اللہ تعالیٰ نے اسے عطاکردہ چیزوں پر قانع(قناعت کرنے والا)بنا دیا وہ کامیاب و کامراں ہوگیا۔ نیز آپ صلی اللہ علیہ وسلم نے فرمایا: ’’إن اللّٰه لا یظلم المؤمن حسنۃً،یعطی بھا في الدنیا ویجزی بھا في الآخرۃ،وأما الکافر فیطعم بحسنات ما عمل بھا للّٰه في الدنیا،حتی إذا أفضی إلی الآخرۃ لم یکن لہ حسنۃ یجزی بھا‘‘[5]۔ اللہ تعالیٰ کسی مومن کی ایک نیکی بھی کم نہیں کرتا،اسے دنیا میں بھی اس کا صلہ دیاجاتاہے اور آخرت میں بھی اس کا بدلہ دیا جائے گا،رہا کافر،تو وہ اللہ کے لئے کی ہوئی اپنی نیکیوں کے عوض دنیا میں کھاتا پیتا ہے‘ یہاں تک کہ جب وہ آخرت میں پہنچے گا تو اس کے پاس کوئی نیکی نہ ہوگی جس کا اسے

[1] التوضیح والبیان لشجرۃ الایمان للسعدی،ص68۔ [2] دیکھئے:تفسیر القرآن العظیم لابن کثیر2/566۔ [3] دیکھئے:حوالہ سابق 2/566۔ [4] صحیح مسلم،کتاب الزکاۃ،باب الکفاف والقناعۃ 2/ 730،حدیث نمبر:(1054)۔ [5] صحیح مسلم،کتاب صفات المنافقین و احکامھم،باب جزاء المؤمن بحسناتہ في الدنیا والآخرۃ وتعجیل حسنات الکافر في الدنیا 4/ 2162،حدیث نمبر:(2808)۔