ہدایت کا نور اور ظلمات کے اندھیرے

’’ضرب اللّٰه مثلاً صراطاً مستقیماً،وعلی جنبتي الصراط سوران فیھما أبواب مفتحۃ،وعلی الأبواب ستور مرخاۃ،وعلی باب الصراط داع یقول:یا أیھا الناس ادخلوا الصراط جمیعاً ولا تعوجوا،وداع یدعو من جوف الصراط فإذا أراد أحدکم فتح شيء من تلک الأبواب قال:ویلک لا تفتحہ فإنک إن فتحتہ تلجہ،والصراط الإسلام،والسوران حدود اللّٰه تعالی،والأبواب المفتحۃ محارم اللّٰه تعالی،وذلک الداعي علی رأس الصراط کتاب اللّٰه عزوجل،والداعي من فوق الصراط واعظ اللّٰه في قلب کل مسلم‘‘[1]۔ اللہ تعالیٰ نے صراط مستقیم کی ایک مثال بیان فرمائی ہے،اور صراط(راستہ)کے دونوں جانب دو دیواریں ہیں جن میں کھلے دروازے ہیں،اور دروازوں پر پردے لٹکے ہوئے ہیں،اور راستے کے دروازے پر ایک منادی آواز لگارہا ہے کہ اے لوگو! سب کے سب اس راستے میں داخل ہوجاؤ اور(دائیں بائیں)نہ مڑو،اور راستے کے بیچ سے بھی ایک منادی آواز لگارہا ہے،اور جب تم میں سے کوئی ان میں سے کسی دروازے کو کھولنا چاہتا ہے تو وہ کہتا ہے:تیری بربادی ہو! اسے نہ کھول،کیونکہ اگر تو اسے کھولے گا تو اس میں جا داخل ہوگا،(سنو!)راستہ اسلام ہے،دونوں دیواریں اللہ کی مقرر کردہ حدود ہیں‘کھلے ہوئے دروازے اللہ کے حرام کردہ امور ہیں،راستہ کے شروع میں موجود منادی اللہ کی کتاب ہے اور راستہ کے اوپر(بیٹھا)منادی ہر مسلمان کے دل میں اللہ کا واعظ ہے۔ اورسنن ترمذی میں اتنا اضافہ ہے: ﴿وَاللّٰهُ يَدْعُو إِلَىٰ دَارِ السَّلَامِ وَيَهْدِي مَن يَشَاءُ إِلَىٰ صِرَاطٍ مُّسْتَقِيمٍ(٢٥)﴾[2]۔

[1] مسند احمد،4/182،183،مستدرک حاکم،امام حاکم نے اسے صحیح قرار دیا ہے اور امام ذہبی نے ان کی موافقت فرمائی ہے،1/73،سنن ترمذی،کتاب الامثال،باب ماجاء فی مثل اللّٰه لعبادہ،5/144،حدیث(2859)،علامہ شیخ البانی نے اسے مشکاۃ المصابیح(1،67)میں صحیح قرار دیا ہے۔ [2] سورۃ یونس:25۔