ہدایت کا نور اور ظلمات کے اندھیرے

گنا سے لے کر سات سو گنا تک لکھا جاتا ہے،اور وہ جوبھی برائی کرتا ہے اسے اتنا(برائی کے برابر)ہی لکھاجاتا ہے یہاں تک کہ وہ اللہ سے ملاقات کرے۔ 11- صحیح اسلام کی بدولت تھوڑا عمل بھی زیادہ ہوجاتا ہے،یہی وجہ ہے کہ جب ہتھیارسے لیس ایک شخص رسول اللہ صلی اللہ علیہ وسلم کے پاس آیا اور کہنے لگاکہ:اے اللہ کے رسول!میں جہاد کروں یا اسلام لاؤں؟ تو آپ صلی اللہ علیہ وسلم نے فرمایا:پہلے اسلام لاؤ پھر جہاد کرنا،چنانچہ وہ شخص اسلام لایا اور پھر جہاد کیا یہاں تک کہ قتل کردیاگیا،تو آپ صلی اللہ علیہ وسلم نے فرمایا: ’’عمل قلیلاً وأجر کثیراً‘‘۔ اس نے عمل تو تھوڑا کیا لیکن زیادہ اجر سے نوازا گیا[1]۔ 12- ساری بھلائی اسلام ہی میں ہے،عرب و عجم میں جو بھی خیر وبھلائی ہے اسلام ہی کی بدولت ہے،حدیث میں ثابت ہے: ’’أیما أھل بیت من العرب أو العجم أراد اللّٰه بھم خیراً أدخل علیھم الإسلام‘‘[2]۔ عرب یا عجم(غیر عرب)کے جس گھرانے والوں کے ساتھ بھی اللہ تعالیٰ خیر کا ارادہ کرتا ہے اس میں اسلام داخل فرمادیتا ہے۔ 13- اسلام دنیا و آخرت میں ہرخیر وبرکت کا سبب ہے،انس رضی اللہ عنہ سے روایت ہے وہ بیان کرتے ہیں کہ رسول اللہ صلی اللہ علیہ وسلم نے فرمایا: ’’إن اللّٰه لا یظلم مؤمناً حسنۃً،یعطی بھا في الدنیا ویجزی بھا في الآخرۃ،وأما الکافر فیُطعم بحسنات ما عمل بھا للّٰه في الدنیا،حتی إذا أفضی إلی الآخرۃ لم یکن لہ

[1] متفق علیہ بروایت براء رضی اللّٰه عنہ:صحیح بخاری،کتاب الجھادوالسیر،باب:عمل صالح قبل الجھاد،3/371،حدیث(2808)الفاظ صحیح بخاری ہی کے ہیں،صحیح مسلم،کتاب الامارہ،باب ثبوت الجنۃ للشھید،3/1509،حدیث(1900)۔ [2] مسند احمد،3/477،ومستدرک حاکم،نیز امام حاکم نے اسے صحیح قرار دیا ہے اور امام ذہبی نے ان کی موافقت فرمائی ہے،علامہ شیخ البانی نے اسے سلسلۃ الاحادیث الصحیحہ(حدیث51)میں صحیح قرار دیا ہے۔