ہدایت کا نور اور ظلمات کے اندھیرے

یہ ایک دوسری مثال ہے جسے اللہ تعالیٰ نے منافقین کے لئے بیان فرمائی ہے،مفہوم یہ ہے کہ اگر آپ چاہیں تو آگ روشن کرنے والے سے ان کی تشبیہ دیں اور چاہیں تو ’’اہل صیب‘‘ یعنی بارش والوں سے ان کی تشبیہ دیں۔ ’’صیب‘‘ کے معنیٰ آسمان سے نازل ہونے والی بارش کے ہیں،نیز یہ بھی کہا گیا ہے کہ(آیت کریمہ کی ابتدا میں)’’ أَوْ ‘‘(یا)بمعنیٰ واؤ یعنی اور کے ہیں‘ مقصود یہ ہے کہ(آگ روشن کرنے والے)اور بارش(دونوں)سے ان کی تشبیہ دیں،﴿فِيهِ ظُلُمَاتٌ﴾(جس میں تاریکیاں ہوں)یعنی شب کی تاریکی‘ بدلی کی تاریکی اور بارش کی تاریکی‘﴿وَرَعْدٌ﴾(گرج)بادل سے سنائی دینے والی آواز کو کہتے ہیں،﴿وَبَرْقٌ﴾(اور بجلی‘ چمک)’’برق‘‘ بادل کے ساتھ نظر آنے والی تیز چمک اور روشنی کو کہتے ہیں،﴿كُلَّمَا أَضَاءَ لَهُم﴾یعنی جب جب ان تاریکیوں میں بجلی چمکتی ہے﴿مَّشَوْا فِيهِ﴾تو وہ اس کے سہارے چلتے ہیں‘﴿وَإِذَا أَظْلَمَ عَلَيْهِمْ قَامُوا﴾اور جب ان پر تاریکی چھا جاتی ہے تو وہ کھڑے ہو جاتے ہیں‘ یعنی حیران و پریشان ہوکر ٹھہر جاتے ہیں[1]۔ چنانچہ اللہ سبحانہ وتعالی نے کفر و نفاق میں ان کی مثال کچھ ایسے لوگوں سے دی ہے جو تاریک شب میں کسی چٹیل میدان میں ہوں ‘ ساتھ ہی بارش سے بھی دوچار ہوں جس میں تاریکیاں ہوں‘ جس کا وصف یہ ہے کہ ایسی صورت میں چلنے والے کے لئے چلنا ممکن نہیں،اور اس میں ’’ صَّوَاعِقِ ‘‘(سخت قسم کی آواز ‘ بادل کی کڑک)ہوں جس کا وصف یہ ہے کہ اس کی ہولناکی اور خوفناک آوازسننے والے اپنی انگلیاں اپنے کانوں میں ڈال لیں،اور ’’برق‘‘(بجلی)ہوجس کا وصف یہ ہے کہ اندیشہ ہے کہ ان کی نگاہوں کو اچک لے اور تیز چمک سے انہیں بے نور کردے،یہ ایک مثال ہے جسے اللہ تعالیٰ نے قرآن کریم اور اس کے ساتھ کافروں اور منافقوں کے سلوک وبرتاؤ کے سلسلہ میں بیان فرمائی ہے،چنانچہ ’’بارش‘‘ قرآن کریم ہے،کیونکہ جس طرح بارش جسموں کی زندگی ہے اسی طرح قرآن کریم دلوں کی زندگی(روح)ہے،اور

[1] دیکھئے:جامع البیان عن تاویل آی القرآن،للطبری 1/333 تا 362،والجامع لاحکام القرآن للقرطبی،1/233 تا 242،وتفسیر البغوی،1/53،54،وتفسیر القرآن العظیم لابن کثیر،1/53،وتیسیر الکریم الرحمن فی تفسیر کلام المنان،للسعدی،ص 27۔