ہدایت کا نور اور ظلمات کے اندھیرے

بسم اللہ الرحمن الرحیم مقدمہ إن الحمد للّٰه نحمدہ ونستعینہ ونستغفرہ ونعوذ باللّٰه من شرور أنفسنا وسیئات أعمالنا من یھدہ اللّٰه فلا مضل لہ،ومن یضلل فلا ھادي لہ،وأشھد أن لا إلہ إلا اللّٰه وحدہ لا شریک لہ،وأشھد أن محمداً عبدہ ورسولہ،صلی اللّٰه علیہ وعلی آلہ وأصحابہ ومن تبعھم بإحسان إلی یوم الدین،وسلم تسلیماً کثیراً،أما بعد: ’’ہدایت کے نور اور ضلالت کی تاریکیوں‘‘ کے بیان میں یہ ایک رسالہ ہے جس کے اندر میں نے مختصر طور پر اسلام،ایمان،توحید،اخلاص،سنت اور تقویٰ کے نور کی وضاحت کی ہے‘ اسی طرح کفر،شرک،نفاق،اخروی عمل سے دنیا طلبی،بدعت اور معاصی کی تاریکیوں کو بیان کیا ہے،اور یہ تمام چیزیں قرآن کریم وسنت مطہرہ کے دلائل وبراہین سے مزین وآراستہ ہیں۔ اس میں کوئی شک نہیں کہ اللہ عز وجل نے محمد صلی اللہ علیہ وسلم پر قرآن کریم نازل فرمایا ہے تاکہ وہ لوگوں کو ضلالت کی تاریکیوں سے نکال کر ہدایت کی روشنی میں لا ئیں [1]،اللہ سبحانہ وتعالیٰ کا ارشاد ہے: ﴿الر ۚ كِتَابٌ أَنزَلْنَاهُ إِلَيْكَ لِتُخْرِجَ النَّاسَ مِنَ الظُّلُمَاتِ إِلَى النُّورِ بِإِذْنِ رَبِّهِمْ إِلَىٰ صِرَاطِ الْعَزِيزِ الْحَمِيدِ(١)﴾[2]۔ الریہ کتاب ہم نے آپ کی طرف اس لئے اتاری ہے تاکہ آپ لوگوں کو ان کے رب کے حکم سے تاریکیوں سے نکال کر روشنی(یعنی)غالب ‘لائق تعریف(اللہ)کے راستہ کی طرف لائیں۔

[1] دیکھئے:جامع البیان عن تاویل آی القرآن،للطبری،16/512۔ [2] سورۃ ابراہیم:1۔