حقوق مصطفٰی صلی اللہ علیہ وسلم اور توہین رسالت کی شرعی سزا

لگائی وہ تمام علماء کے اتفاق سے کافر قرار دیا جائے گا اور اگر وہ توبہ کرلے تو اس سے سزائے قتل زائل نہیں ہوگی کیونکہ اس کے نبی اکرم صلی اللہ علیہ وسلم پر تہمت لگانے کی سزا قتل ہے اور تہمت کی سزا توبہ کرنے سے ساقط نہیں ہوتی۔‘‘ امام ابن کثیر رحمہ اللہ نے سورۃ التوبۃ کی آیت کی تفسیر بیان کرتے ہوئے لکھا ہے: ’’ طَعَنُوْا … أَيْ عَابُوْہُ وَ انْتَقَصُوْہُ وَ مِنْ ہُنَا أُخِذَ قَتْلُ مَنْ سَبَّ الرَّسُوْلَ صَلَوَاتُ اللّٰہِ وَ سَلَامُہٗ عَلَیْہِ أَوْ مَنْ طَعَنَ فِيْ دِیْنِ الْاِسْلَامِ أَوْ ذَکَرَہٗ بِنَقْصٍ۔‘‘[1] ’’یہاں نبی اکرم صلی اللہ علیہ وسلم پر طعن کرنے کا معنیٰ یہ ہے کہ انھوں نے آپ صلی اللہ علیہ وسلم پر عیب لگایا اور تنقیص و تحقیر کی اور اسی سے نبی مکرم صلی اللہ علیہ وسلم کو گالی دینے والے کے قتل کی سزا اخذ کی گئی ہے۔ اسی طرح جس نے دین اسلام میں طعن کیا اور اسے تحقیر و تنقیص کے ساتھ ذکر کیا اس کی سزا بھی قتل ہے۔‘‘ ۴۔ اب رہے ائمہ و فقہائِ حنابلہ تو خود امام احمد بن حنبل رحمہ اللہ شاتمِ رسول صلی اللہ علیہ وسلم کی حد و سزائے قتل کے قائل تھے وہ مسلمان ہو یا کافر و ذمّی۔ چنانچہ حنبل کہتے ہیں کہ میں نے ابو عبد اللہ (احمد بن حنبل) سے سنا ہے: ’’کُلُّ مَنْ شَتَمَ النَّبِيَّ ﷺ أَوْ تَنَقَّصَہٗ۔ مُسْلِماً کَانَ أَوْ کَافِراً۔ فَعَلَیْہِ الْقَتْلُ، وَ أَرَیٰ أَنْ یُّقْتَلَ وَ لَا یُسْتَتَابَ۔‘‘ ’’ہر وہ شخص جو نبی کریم صلی اللہ علیہ وسلم کو گالی دے یا آپ صلی اللہ علیہ وسلم کی شان میں تنقیص و تحقیر کرے اس کی سزا قتل ہے وہ مسلمان ہو یا کافر۔ اور میری رائے یہ ہے کہ اسے قتل کردیا جائے اور اس سے توبہ نہ کروائی جائے۔‘‘

[1] تفسیر ابن کثیر (2؍447)