حقوق مصطفٰی صلی اللہ علیہ وسلم اور توہین رسالت کی شرعی سزا

ٹھیک ہے‘‘ ہر کوئی آزاد ہے لیکن ایسی مادرپدر آزادی کو نبی اسلام صلی اللہ علیہ وسلم نے ہلاکت کا باعث قرار دیا ہے خصوصاً جب ایسی آزاد روی کو روکنے والا اور نہی عن المنکر کی ذمہ داری ادا کرنے والا بھی غافل ہوجائے اور اس واجب کی ادائیگی میں کوتاہی کرنے لگے تو پھر آزاد روی کا انجام سب کی ہلاکت بتایا ہے۔ چنانچہ صحیح بخاری شریف، سنن ترمذی اور مسند احمد میں حضرت نعمان بن بشیر رضی اللہ عنہ بیان کرتے ہیں کہ نبی اکرم صلی اللہ علیہ وسلم نے ارشاد فرمایا: ((مَثَلُ الْقَائِمِ عَلَیٰ حُدُوْدِ اللّٰہِ وَ الوَاقِعِ فِیْہَا کَمَثَلِ قَوْمٍ اِسْتَہَمُوْا عَلَیٰ سَفِیْنَۃٍ، فَأَصَابَ بَعْضُہُمْ أَعْلَاہَا وَ بَعْضُہُمْ أَسْفَلَہَا فَکَانَ الَّذِیْنَ فِيْ أَسْفَلِہَا إِذَا اِسْتَقَوْا مِنَ الْمَائِ مَرُّوْا عَلَیٰ مَنْ فَوْقَہُمْ فَقَالُوْا: لَوْ أَنَّا خَرَقْنَا فِيْ نَصِیْبِنَا خَرْقاً وَ لَمْ نُؤْذِ مَنْ فَوْقَنَا، فَاِنْ تَرَکُوْہُمْ وَ مَا أَرَادُوْا ہَلَکُوْا جَمِیْعاً وَ اِنْ أَخَذُوْا عَلَیٰ أَیْدِیْہِمَ نَجَوْا وَ نَجَوْا جَمِیْعاً)) [1] ’’اللہ کی حدود کا پاس رکھنے والوں اور حدود اللہ سے تجاوز کرنے والوں کی مثال اس قوم کی سی ہے جو ایک بحری جہاز میں سوار ہوئے۔ کچھ لوگوں کو جہاز کے عرشے [اوپر والی منزل] پر جگہ ملی اور بعض کو نچلی منزل پر۔ نیچے والوں کو پانی کی ضرورت پڑتی تو وہ اوپر جاکر لاتے۔ انھوں نے سوچا کہ ہم اوپر والوں کو تکلیف و اذیّت سے بچانے کے لیے نیچے والے اپنے حصّے میں کہیں سوراخ کرکے پانی حاصل کر لیتے ہیں۔ اب اگر انھیں ان کے حال پر چھوڑ دیا گیا

[1] صحیح البخاري، رقم الحدیث (2493، 2686) سنن الترمذي، رقم الحدیث (2173) مسند أحمد (4؍268، 269، 270، 273)