حقوق مصطفٰی صلی اللہ علیہ وسلم اور توہین رسالت کی شرعی سزا

بیان یوں لکھا کہ ملکہ نے اپنے عوام کو اسلام دشمنی کی دعوت دیتے ہوئے کہا ہے: “ Show Our Opposition To Islam” ’’آیئے! اسلام کے خلاف ہم اپنی مخالفت کھل کر ظاہر کریں۔‘‘[1] ستمبر ۲۰۰۵ء ہی میں ڈنمارک پیپلز پارٹی کی ایک سرکردہ رکن لوٹس فریورٹ نے اپنے ایک مضمون میں لکھا: ’’ڈنمارک میں پیدا ہونے والے مسلم نوجوان بھی بنیاد پرستانہ تعلیم سے آراستہ ہیں جو ہمارے معاشرے سے مطابقت نہیں رکھتی، چونکہ ہمارا قانون دشمنوں کو سرِعام قتل کرنے کی اجازت نہیں دیتا اس لیے ان مجرموں سے نپٹنے کا واحد راستہ یہی ہے کہ انھیں حوالۂ زنداں کردیا جائے یا پھر انھیں روس کے جیل خانوں میں بھیج دیا جائے۔‘‘ جبکہ اسی عورت نے ایک دوسرے مضمون میں مسلمانوں کو ایسے کینسر سے تشبیہ دی جس کا علاج آپریشن کے سوا کچھ نہیں۔ اور ستمبر ۲۰۰۵ء ہی میں ان کے ایک ریڈیو چینل نے کہا: ’’مسلمان کا واحد علاج یہ ہے کہ اگر ہم انھیں ہلاک نہیں کرسکتے تو کم از کم یورپ سے باہر تو ضرور دھکیل دیں۔‘‘[2] غرض پہلے اس ایک اخبار نے ۱۲ کارٹون شائع کرکے مسلمانوں کی دلآزاری کی مگر مسلم دنیا کا ردّ عمل نرم رہا لہٰذا اس جلتی آگ کو مزید بھڑکانے، اس پر تیل ڈالنے اور مزید تیز کرنے کے لیے جنوری ۲۰۰۶ء میں ۲۲ ممالک کے ۱۷۵ اخبارات نے انھیں دوبارہ شائع کیا اور ۲۰۰ ریڈیو ٹی وی چینلوں پر انھیں دوبارہ

[1] بحوالہ حرمتِ رسول نمبر ماہنامہ الدعوۃ لاہور، جلد: 17، شمارہ: 3، مارچ 2006ء ۔ [2] بحوالہ ماہنامہ ’’و الضحیٰ‘‘ گوجرانوالہ جلد: 16، شمارہ: 3، 4، مارچ اپریل 2006ء۔