حقوق مصطفٰی صلی اللہ علیہ وسلم اور توہین رسالت کی شرعی سزا

قریش کے ساتھ نبی صلی اللہ علیہ وسلم اسلام کی طرف دعوت دے رہے تھے کہ حضرت عبداللہ بن امِ مکتوم رضی اللہ عنہ آگئے، اور وہ نابینا تھے، انھوں نے مختلف سوالات پوچھنا شروع کر دیے، اس پر نبی صلی اللہ علیہ وسلم نے کچھ ناگواری و بے توجہگی برتی جس پر سورۂ عبس نازل ہوئی، جس کی آیات یہ ہیں : {عَبَسَ وَتَوَلّٰی۔ . اَنْ جَآئَہُ الْاَعْمٰی . وَمَا یُدْرِیْکَ لَعَلَّہٗ یَزَّکّٰی۔ٓ . اَوْ یَذَّکَّرُ فَتَنْفَعَہُ الذِّکْرٰی . اَمَّا مَنِ اسْتَغْنٰی . فَاَنْتَ لَہٗ تَصَدّٰی . وَمَا عَلَیْکَ اَلَّا یَزَّکّٰی۔ٓ . وَاَمَّا مَنْ جَآئَ کَ یَسْعٰی . وَھُوَ یَخْشٰی . فَاَنْتَ عَنْہُ تَلَھّٰی . کَلَّآ اِِنَّھَا تَذْکِرَۃٌ . فَمَنْ شَآئَ ذَکَرَہٗ} [عبس: ۱ تا ۱۲] ’’وہ (نبی) ترش رُو ہوئے اور منہ پھیر بیٹھے۔ کہ ان کے پاس ایک نابینا آیا۔ اور آپ کو کیا خبر، شاید وہ پاکیزگی حاصل کرتا۔ یا سوچتا تو سمجھانا اسے فائدہ دیتا۔ جو پروا نہیں کرتا۔ اس کی طرف تو آپ توجہ کرتے ہیں۔ حالانکہ اگر وہ نہ سنورے تو آپ پر کچھ (الزام) نہیں۔ اور جو آپ کے پاس دوڑتا ہوا آیا۔ اور وہ(اللہ سے) ڈرتا ہے۔ اس سے آپ بے رخی کرتے ہیں۔ دیکھیں ! یہ (قرآن) نصیحت ہے۔ پس جو چاہے اسے یاد رکھے۔‘‘ ۷ تا ۱۱۔ پچھلی سطورمیں ہم نے نبی اکرم صلی اللہ علیہ وسلم کو رنج پہنچانے والے اور عذابِ الٰہی کے مستحق لوگوں میں سے چھ گستاخانِ رسول صلی اللہ علیہ وسلم کا تذکرہ کیا ہے اور ایک حدیث بھی ذکر کی ہے۔ اسی حدیث میں یہ بھی مذکور ہے کہ نبی اکرم صلی اللہ علیہ وسلم نے قریشِ مکہ میں سے سات گستاخ مشرکین کے نام لے لے کر ان کے لیے لعنت کی خبر دی اور بد دعا فرمائی، جو یہ ہیں :