حقوق مصطفٰی صلی اللہ علیہ وسلم اور توہین رسالت کی شرعی سزا

’’اُس نے کہا کہ اِس [آدم]کی وجہ سے تو نے مجھے گمراہ کیا ہے، میں ضرور ان کے [گمراہ کرنے کے] لیے آپ کی سیدھی راہ پر بیٹھوں گا، پھر ان پر ان کے آگے سے اور ان کے پیچھے سے حملہ کروں گا اور ان کی دائیں جانب سے اور بائیں جانب سے بھی حملہ آور ہوں گا۔‘‘ اس کے عداوت و بغاوت پر مبنی اعلان کے جواب میں اللہ تعالیٰ نے فرمایا تھا: { اخْرُجْ مِنْھَا مَذْئُ وْمًا مَّدْحُوْرًا لَمَنْ تَبِعَکَ مِنْھُمْ لَاَمْلَئَنَّ جَھَنَّمَ مِنْکُمْ اَجْمَعِیْنَ} [الأعراف: ۱۸] ’’یہاں سے ذلیل و خوار ہوکر نکل جاؤ،جو شخص ان [بنی آدم] میں سے تیرا حکم مانے گا، میں ضرور تم سب سے جہنم کو بھر دوں گا۔‘‘ جب حق حضرت نوح علیہ السلام کی شکل میں رونما ہوا تو باطل کنعان کے روپ میں سامنے آکھڑا ہوا، اور پھر حق حضرت موسیٰ علیہ السلام کے رنگ میں ظاہر ہوا تو باطل فرعون کی صورت اختیار کر آیا، حق حضرت ابراہیمِ خلیل علیہ السلام کی صورت میں جلوہ گر ہوا تو باطل نمرود بن کرآگیا۔ غرض تاریخِ انسانی گواہ ہے کہ حق و باطل کی یہ آویزش عہدِ قدیم ہی سے چلی آرہی ہے۔ بالآخر جب اللہ تعالیٰ نے اپنے آخری نبی حضرت محمد صلی اللہ علیہ وسلم کو مبعوث فرمایا اور آپ صلی اللہ علیہ وسلم نے لوگوں کو اسلام کی طرف بلایا، دعوتِ توحید دی اور حق کو قبول کرنے کی تبلیغ شروع کی تو باطل کاسب سے پہلا سرغنہ نبی اکرم صلی اللہ علیہ وسلم کا چچا ابو لہب ثابت ہوا۔ اس نے آپ صلی اللہ علیہ وسلم کو برا بھلا کہا اور بڑی اذیت دی لیکن اس کا جو انجام ہوا وہ قدرے تفصیل کے ساتھ ہم آگے چل کر نبی صلی اللہ علیہ وسلم کو گالی دینے، بُرا بھلا کہنے اور توہینِ رسالت کا ارتکاب کرنے والوں کے انجام و سزا کے ضمن میں ذکر کرینگے۔ إن شاء اﷲ۔