حقیقت شہادتین

کروں اور کسی کو اس کا شریک نہ بناؤں۔میں لوگوں کو اسی کی طرف بلاتا ہوں اور اسی کی طرف لوٹ کر جانا ہے’‘ اسی طرح اللہ تعالیٰ کا فرمان ہے: ﴿وَادْعُ إِلٰی رَبِّکَ وَلاَ تَکُوْنَنَّ مِنَ الْمُشْرِکِیْنَ﴾[القصص:۸۷] ‘’اور آپ اپنے رب کی طرف دعوت دیتے رہیں اور مشرکوں میں سے نہ ہوں۔‘‘ نیز فرمایا:﴿اِتَّبِعْ مَا أُوْحِیَ إِلَیْکَ مِنْ رَّبِّکَ لاَ إِلٰہَ إِلاَّ ہُوَ وَأَعْرِضْ عَنِ الْمُشْرِکِیْنَ﴾[الأنعام:۱۰۶] ‘’ آپ پر آپ کے رب کی جانب سے جو وحی نازل ہوئی ہے اسی کی پیروی کیجئے،اس کے علاوہ کوئی معبود برحق نہیں ہے۔اور مشرکوں کی باتوں پر دھیان نہ دیجئے‘‘ اہلِ علم رحمہم اللہ ان آیات او ر ان جیسی دیگر آیات کے متعلق کہتے ہیں کہ اللہ تعالیٰ نے جب ان شخصیات کو بھی شرک سے منع کیا ہے کہ جن سے اس کا واقع ہونا ہی نا ممکن تھا تو ان کے علاوہ دیگر لوگوں کیلئے یہ نہی کس قدر شدید ہو گی !! امام الحنفاء حضرت ابراہیم(علیہ السلام)نے کہا تھا: ﴿وَاجْنُبْنِیْ وَبَنِیَّ أَنْ نَّعْبُدَ الْأصْنَامَ ٭رَبِّ إِنَّہُنَّ أَضْلَلْنَ کَثِیْرًا مِّنَ النَّاسِ﴾[إبراہیم:۳۵۔۳۶] ترجمہ:’’اور مجھے اور میرے بیٹوں کو بتوں کی عبادت سے بچا لے۔ میرے رب ! ان بتوں نے بہت لوگوں کو گمراہ کیا ہے۔‘‘ ابراہیم التیمی رحمہ اللہ کہتے ہیں کہ جب حضرت ابراہیم(علیہ السلام)اللہ تعالیٰ سے شرک سے بچنے کی دعا کر رہے ہیں تو اور کون ہے جو اس سے بے خوف رہ سکتا ہے؟ یہ تو تھیں قرآن مجید میں شرک کے متعلق چند آیات۔اور جہاں تک احادیث