حقیقت شہادتین

مِنْ قَبْلِکَ یُرِیْدُوْنَ اَن یَّتَحَاکَمُوْا اِلَی الطَّاغُوْتِ وَقَدْ اُمِرُوْا اَن یَّکْفُرُوْا بِہٖ وَیُرِیْدُ الشَّیْطَانُ اَن یُّضِلَّہُمْ ضَلَالًا بَعِیْدًا ٭ وَإِذَا قِیْلَ لَہُمْ تَعَالَوْا إِلٰی مَا أَنْزَلَ اللّٰہُ وَإِلَی الرَّسُوْلِ رَأَیْتَ الْمُنَافِقِیْنَ یَصُدُّوْنَ عَنْکَ صُدُوْدًا﴾[النساء:۶۰۔ ۶۱] ’’کیا آپ نے ان لوگوں کو نہیں دیکھا جو دعویٰ کرتے ہیں کہ وہ آپ پر اتاری گئی اور آپ سے پہلے اتاری گئی کتابوں پر ایمان لے آئے ہیں،مگرچاہتے یہ ہیں کہ طاغوت(غیر اﷲ)سے فیصلہ کرائیں حالانکہ انھیں حکم دیا گیا تھا کہ وہ طاغوت کے فیصلے تسلیم نہ کریں۔اور شیطان انھیں راہِ راست سے بہت دور لے جانا چاہتا ہے۔ اور جب انھیں کہا جاتا ہے کہ اس چیز کی طرف آ جاؤ جو اللہ نے نازل کی ہے اور رسول کی طرف آ جاؤ تو آپ منافقوں کو دیکھیں گے کہ وہ آپ کے پاس آنے سے گریز کرتے ہیں۔‘‘ لہذا ہر چھوٹے بڑے معاملہ میں شریعت الٰہی اور سنتِ نبویہ کی روشنی میں فیصلہ کرنا ضروری ہے۔افراد اپنے اوپر اور حکام اور ان کے علاوہ تمام ذمہ دارن اپنی رعایا اور ما تحت لوگوں پر دین ِ الٰہی کو سامنے رکھتے ہوئے ہی فیصلہ کرنے کے پابند ہیں اور اس سے کسی مسلمان کو چھٹکارا نہیں۔بلکہ یہ شہادتین(لاَ إِلٰہَ إِلاَّ اللّٰہُ مُحَمَّدٌ رَّسُوْلُ اللّٰہ)کے لازمی تقاضوں میں سے ایک تقاضا ہے۔ اسی طرح محمد رسول اللّٰہ صلی اللہ علیہ وسلم کی گواہی میں یہ بھی شامل ہے کہ آپ صلی اللہ علیہ وسلم کو بہترین نمونہ تصور کرتے ہوئے آپ کی سنت کی اتباع کی جائے اور آپ کی احادیث مبارکہ کو تمام شخصی آراء پر ترجیح دی جائے اور ان کی مخالفت سے اجتناب کیا جائے۔جیسا کہ اللہ تعالیٰ کا فرمان ہے: ﴿لَقَدْ کَانَ لَکُمْ فِیْ رَسُوْلِ اللّٰہِ أُسْوَۃٌ حَسَنَۃٌ لِّمَنْ کَانَ یَرْجُوْ اللّٰہَ