حقیقت شہادتین

‘’مجھے لعنت بھیجنے والا نہیں،بلکہ مجھے تو رحمت بنا کر بھیجا گیا ہے ....’‘ نبی کریم صلی اللہ علیہ وسلم کو جب مبعوث کیا گیا تو اس وقت حالت کیا تھی،اس کا ذکر خود رسول اللہ صلی اللہ علیہ وسلم نے اپنے ایک خطبہ میں کیا۔جیسا کہ حضرت عیاض بن حمار المجاشعی رضی اللہ عنہ سے روایت ہے کہ رسول اکرم صلی اللہ علیہ وسلم نے اپنے ایک خطبہ میں ارشاد فرمایا: (أَلاَ إِنَّ رَبِّیْ أَمَرَنِیْ أَنْ أُعَلِّمَکُمْ مَّا جَہِلْتُمْ مِمَّا عَلَّمَنِیْ یَوْمِیْ ہٰذَا،کُلُّ مَالٍ نَحَلْتُہُ عَبْدًا حَلاَلٌ،وَإِنِّیْ خَلَقْتُ عِبَادِیْ حُنَفَائَ کُلَّہُمْ،وَإِنَّہُمْ أَتَتْہُمُ الشَّیَاطِیْنُ فَاجْتَالَتْہُمْ عَنْ دِیْنِہِمْ،وَحَرَّمَتْ عَلَیْہِمْ مَّا أَحْلَلْتُ لَہُمْ،وَأَمَرَتْہُمْ أَنْ یُشْرِکُوْا بِیْ مَا لَمْ أُنْزِلْ بِہٖ سُلْطَانًا،وَإِنَّ اللّٰہَ نَظَرَ إِلٰی أَہْلِ الْأرْضِ،فَمَقَتَہُمْ،عَرَبَہُمْ وَعَجَمَہُمْ،إِلاَّ بَقَایَا مِنْ أَہْلِ الْکِتَابِ،وَقَالَ:إِنَّمَا بَعَثْتُکَ لِأَبْتَلِیَکَ وَأَبْتَلِیَ بِکَ،وَأَنْزَلْتُ عَلَیْکَ کِتَابًا لاَ یَغْسِلُہُ الْمَائُ،تَقْرَؤُہُ نَائِمًا وَیَقْظَانَ۔۔۔)[مسلم:۲۸۶۵] ‘’خبردار ! مجھے میرے رب نے حکم دیا ہے کہ میں تمہیں وہ چیز سکھلاؤں جو اس نے مجھے آج سکھلائی ہے اور تم اس سے ناواقف ہو۔(اللہ تعالیٰ فرماتا ہے:)ہر وہ مال جو میں نے اپنے بندے کو عطا کیا وہ حلال ہے۔او رمیں نے اپنے تمام بندوں کو اس حالت میں پیدا کیا کہ وہ سب کے سب مسلمان(اور شرک سے اعراض کرنے والے)تھے،پھر ان کے پاس شیاطین آئے اور انھیں ان کے دین سے دور لے گئے اور انھوں نے ان پر وہ چیز حرام کردی جو میں نے ان کیلئے حلال کی تھی۔اور انھوں نے انھیں حکم دیا کہ وہ میرے ساتھ اس چیز کو شریک بنائیں جس کی میں نے کوئی دلیل نازل نہیں کی۔ اللہ تعالیٰ نے(نبی کریم صلی اللہ علیہ وسلم کی بعثت سے قبل)تمام اہلِ زمیں(عرب وعجم)کی طرف دیکھا تو انھیں سخت نا پسند کیا سوائے چند اہلِ کتاب کے(جو اپنے دین پر