حقیقت شہادتین

‘’ہم نے ایسے انبیاء بھیجے جو جنت کی خوشخبری دینے والے اور جہنم سے ڈرانے والے تھے،تاکہ رسولوں کی بعثت کے بعد لوگوں کے پاس اللہ تعالیٰ کے خلاف کوئی حجت باقی نہ رہے۔اور اللہ تعالیٰ غالب اور حکمت والا ہے۔‘‘ نیز فرمایا:﴿وَمَا نُرْسِلُ الْمُرْسَلِیْنَ إِلاَّ مُبَشِّرِیْنَ وَمُنْذِرِیْنَ فَمَنْ آمَنَ وَأَصْلَحَ فَلاَ خَوْفٌ عَلَیْہِمْ وَلاَ ہُمْ یَحْزَنُوْنَ ٭ وَالَّذِیْنَ کَذَّبُوْا بِآیٰاتِنَا یَمَسُّہُمُ الْعَذَابُ بِمَا کَانُوْا یَفْسُقُوْنَ﴾[الأنعام:۴۸۔۴۹] ترجمہ:’’اور ہم رسولوں کو صرف اس لئے بھیجتے ہیں کہ وہ جنت کی خوشخبری دیں اور جہنم سے ڈرائیں۔پس جو لوگ ایمان لائیں گے اور عمل صالح کریں گے انھیں نہ(مستقبل کا)کوئی خوف لاحق ہو گا اور نہ(ماضی کا)غم۔اور جو لوگ ہماری آیتوں کو جھٹلائیں گے انھیں ان کی نافرمانیوں کی وجہ سے ہمارا عذاب پکڑ لے گا۔’‘ اور حضرت عبد اللہ بن مسعود رضی اللہ عنہ بیان کرتے ہیں کہ رسول اللہ صلی اللہ علیہ وسلم نے ارشاد فرمایا:(لاَ أَحَدَ أَغْیَرُ مِنَ اللّٰہِ،وَلِذٰلِکَ حَرَّمَ الْفَوَاحِشَ مَا ظَہَرَ مِنْہَا وَمَا بَطَنَ،وَلاَ أَحَدَ أَحَبُّ إِلَیْہِ الْمَدْحُ مِنَ اللّٰہِ عَزَّ وَجَلَّ،وَلِذٰلِکَ مَدَحَ نَفْسَہُ)[بخاری:۴۶۳۴،مسلم:۲۷۶۰] ترجمہ:’’اللہ تعالیٰ سے زیادہ غیرت والا کوئی نہیں،اسی لئے اس نے بے حیائی کے تمام کاموں کو حرام قرار دیا ہے چاہے وہ ظاہر ہوں یا باطن ہوں۔اور اللہ تعالیٰ سے زیادہ مدح وثناء کو پسند کرنے والا کوئی نہیں،اسی لئے اس نے اپنی تعریف خود کی ہے۔’‘ اور صحیح مسلم کی ایک روایت میں ان الفاظ کا اضافہ ہے: (وَلَیْسَ أَحَدٌ أَحَبُّ إِلَیْہِ الْعُذْرُ مِنَ اللّٰہِ،مِنْ أَجْلِ ذٰلِکَ أَنْزَلَ الْکِتَابَ وَأَرْسَلَ الرُّسُلَ)[مسلم:۲۷۶۰]