حقیقت شہادتین

ذریعے وہ کھجوروں کو پانی پلایا کرتے تھے۔چنانچہ انصاری نے کہا:پانی چھوڑ دو اور اسے آگے جانے دو لیکن حضرت زبیر رضی اللہ عنہ نے انکار کردیا۔اب وہ دونوں اپنا معاملہ رسول اللہ صلی اللہ علیہ وسلم کے پاس لے کر آئے۔رسول اللہ صلی اللہ علیہ وسلم نے فرمایا: (اِسْقِ یَا زُبَیْرُ،ثُمَّ أَرْسِلِ الْمَائَ إِلٰی جَارِکَ)’’اے زبیر ! تم(اپنے درختوں کو)پانی پلا لو اور پھر اسے اپنے پڑوسی کے باغ میں چھوڑ دو۔‘‘ تو انصاری صحابی کو سخت غصہ آیا اور وہ کہنے لگا:اے اللہ کے رسول ! کیوں نہیں آخر وہ آپ کی پھوپھی کا بیٹا جو ہوا۔ اس پر رسول اللہ صلی اللہ علیہ وسلم کے چہرۂ انور کا رنگ متغیر ہو گیا اور آپ صلی اللہ علیہ وسلم نے فرمایا: (اِسْقِ یَا زُبَیْرُ،ثُمَّ احْبِسِ الْمَائَ حَتّٰی یَرْجِعَ إِلَی الْجُدُرِ) ترجمہ:’’زبیر ! اپنے کھیت کو پانی پلاؤ اور جب تک پانی منڈیروں تک نہ پہنچ جائے اسے اس کیلئے مت چھوڑو۔’‘حضرت زبیر رضی اللہ عنہ کہتے ہیں:میں سمجھتا ہوں کہ یہ آیت﴿فَلاَ وَرَبِّکَ لاَ یُؤْمِنُوْنَ حَتّٰی یُحَکِّمُوْکَ۔۔۔﴾[النساء:۶۵]اسی کیس میں نازل ہوئی۔[بخاری:۲۳۵۹،۲۳۶۰۔مسلم:۲۳۵۷] اسی طرح درجِ ذیل آیت کریمہ بھی اسی معنی کی تائید کر رہی ہے: ﴿فَاِنْ تَنَازَعْتُمْ فِیْ شَئْیٍ فَرُدُّوْہُ اِلَی اللّٰہِ وَالرَّسُوْلِ اِنْ کُنْتُمْ تُؤْمِنُوْنَ بِاللّٰهِ وَالْیَوْمِ الْآخِرِ ج ذٰلِکَ خَیْرٌ وَّاَحْسَنُ تَأْوِیْلاً﴾[النساء:۵۹] ترجمہ:’’پھر اگر کسی معاملہ میں تمہار ے درمیان اختلاف ہو جائے تو اسے اللہ اور رسول کی طرف لوٹا دو اگر تم اللہ اور یومِ آخرت پر ایمان رکھتے ہو۔ اسی میں بھلائی ہے اور انجام کے لحاظ سے یہی بہتر ہے۔‘‘ الشیخ ابن السعدی رحمہ اللہ اس آیت کریمہ کی تفسیر میں کہتے ہیں: