حقیقت شہادتین

اصل ان کی کم عقلی کی دلیل ہے کیونکہ وہ کرتے تو اللہ تعالیٰ کی نافرمانی ہیں اور سمجھتے یہ ہیں کہ وہ نیکی کا کام کر رہے ہیں اور اسے وہ عقلمندی اور ہوشیاری تصور کرتے ہیں۔کتنی بڑی بد نصیبی ہو گی جب اللہ تعالیٰ قیامت کے روز انھیں ان کی چالبازیوں کا جواب اس طرح دے گا:﴿یَوْمَ یَقُوْلُ الْمُنَافِقُوْنَ وَالْمُنَافِقَاتُ لِلَّذِیْنَ آمَنُوْا انْظُرُوْنَا نَقْتَبِسْ مِنْ نُّوْرِکُمْ قِیْلَ ارْجِعُوْا وَرَائَ کُمْ فَالْتَمِسُوْا نُوْرًا فَضُرِبَ بَیْنَہُمْ بِسُوْرٍلَّہُ بَابٌ بَاطِنُہُ فِیْہِ الرَّحْمَۃُ وَظَاہِرُہُ مِنْ قِبَلِہِ الْعَذَابُ٭ یُنَادُوْنَہُمْ أَلَمْ نَکُنْ مَّعَکُمْ قَالُوْا بَلٰی وَلٰکِنَّکُمْ فَتَنْتُمْ أَنْفُسَکُمْ وَتَرَبَّصْتُمْ وَارْتَبْتُمْ وَغَرَّتْکُمُ الْأمَانِیُّ حَتّٰی جَائَ أَمْرُ اللّٰہِ وَغَرَّکُمْ بِاللّٰہِ الْغَرُوْرُ ٭ فَالْیَوْمَ لاَ یُؤْخَذُ مِنْکُمْ فِدْیَۃٌ وَّلاَ مِنَ الَّذِیْنَ کَفَرُوْا مَأْوَاکُمُ النَّارُ ہِیَ مَوْلاَکُمْ وَبِئْسَ الْمَصِیْرُ﴾[الحدید:۱۳۔ ۱۵] ترجمہ:’’جس دن منافق مرد اور منافق عورتیں مومنوں سے کہیں گے کہ ذرا ہمارا انتظار کر لو تاکہ ہم تمہارے نور سے کچھ روشنی حاصل کر لیں۔تو ان سے کہا جائے گا کہ تم پیچھے واپس جاؤ،کوئی اور نور تلاش کرو۔پھر دونوں جماعتوں کے درمیان ایک دیوار حائل کردی جائے گی جس کا ایک ہی دروازہ ہو گا اس کے اندرونی حصہ میں تو رحمت ہو گی اور اس کے باہر کی طرف عذاب ہوگا۔یہ چلا چلا کر ان سے کہیں گے کہ کیا ہم تمہارے ساتھ نہ تھے ؟ وہ کہیں گے کہ ہاں تھے تو سہی لیکن تم نے اپنے آپ کو فتنہ میں مبتلا کر رکھا تھا اور(مسلمانوں کے سلسلے میں کسی آفت کے)انتظار میں ہی رہے اور شک وشبہ کرتے رہے اور جھوٹی امیدوں نے تمہیں دھوکے میں ڈالے رکھا یہاں تک کہ اللہ کا حکم آ پہنچا۔اور تمہیں اللہ کے بارے میں دھوکہ دینے والے نے دھوکے میں ہی رکھا۔الغرض آج نہ تم سے فدیہ قبول کیا جائے گا اور نہ کافروں سے۔تم سب کا