حقیقت شہادتین

کر سکتے ہیں ؟ یا اگر وہ مجھ پر رحمت کرنا چاہے تو یہ اس کی رحمت کو روک سکتے ہیں ؟ آپ ان سے کہئے:مجھے تو اللہ ہی کافی ہے۔اور توکل کرنے والے اسی پر ہی توکل کرتے ہیں۔‘‘ نیز فرمایا:﴿أَلَمْ تَرَ إِلَی الَّذِیْنَ قِیْلَ لَہُمْ کُفُّوْا أَیْدِیَکُمْ وَأَقِیْمُوْا الصَّلاَۃَ وَآتُوْا الزَّکَاۃَ فَلَمَّا کُتِبَ عَلَیْہِمُ الْقِتَالُ إِذَا فَرِیْقٌ مِّنْہُمْ یَخْشَوْنَ النَّاسَ کَخَشْیَۃِ اللّٰہِ أَوْ أَشَدَّ خَشْیَۃً وَّقَالُوْا رَبَّنَا لِمَ کَتَبْتَ عَلَیْنَا الْقِتَالَ لَوْ لاَ أَخَّرْتَنَا إِلٰی أَجَلٍ قَرِیْبٍ قُلْ مَتَاعُ الدُّنْیَا قَلِیْلٌ وَالْآخِرَۃُ خَیْرٌ لِّمَنِ اتَّقٰی وَلاَ تُظْلَمُوْنَ فَتِیْلاً﴾[النساء:۷۷] ترجمہ:’’کیا آپ نے ان لوگوں کے حال پرغور نہیں کیا جنہیں کہا گیا تھا کہ(ابھی جنگ سے)اپنے ہاتھ روکے رکھو،نماز قائم کرو اور زکاۃ دیتے رہو۔پھر جب ان پر جہاد فرض کیا گیا تو ان میں کچھ لوگ لوگوں سے یوں ڈرنے لگے جیسے اللہ سے ڈرنا چاہئے یا اس سے بھی زیادہ۔اور کہنے لگے:اے ہمارے رب ! تونے ہم پر جنگ کیوں فرض کی ؟ہمیں مزید کچھ عرصہ کیلئے کیوں مہلت نہ دی ؟آپ کہئے:دنیا کا آرام تو چند روزہ ہے اور ایک متقی کیلئے آخرت ہی بہتر ہے اور ان پر ذرہ بھر بھی ظلم نہ کیا جائے گا’‘ اسی طرح اللہ تعالیٰ کا فرمان ہے:﴿أَلاَ تُقَاتِلُوْنَ قَوْمًا نَّکَثُوْا أَیْمَانَہُمْ وَہَمُّوْا بِإِخْرَاجِ الرَّسُوْلِ وَہُمْ بَدَؤُکُمْ أَوَّلَ مَرَّۃٍ أَتَخْشَوْنَہُمْ فَاللّٰہُ أَحَقُّ أَنْ تَخْشَوْہُ إِنْ کُنْتُمْ مُّؤْمِنِیْنَ﴾[التوبۃ:۱۳] ترجمہ:’’کیا تم ایسے لوگوں سے نہ لڑوگے جنہوں نے اپنی قسمیں توڑ دیں اور انھوں نے ہی رسول کو(مکہ سے)نکال دینے کا قصد کر رکھا تھا اور لڑائی کی ابتداء بھی انھوں نے ہی کی ؟ کیا تم ان سے ڈرتے ہو حالانکہ اللہ اس بات کا زیادہ حق رکھتا ہے کہ تم اس