حمید الدین فراہی رحمہ اللہ اور جمہور کےاصول تفسیر تحقیقی و تقابلی مطالعہ

 فصلِ اوّل اصولِ تفسیر کی تاریخ وتدوین اُصولِ تفسیر کی تاریخ وتدوین ’اصول‘ کی تعریف ’اصول‘ اور ’تفسیر‘ دونوں عربی الفاظ ہیں۔ ’اصول‘ اصل کی جمع ہے،جس کا معنی ہے:جڑ،بنیاد اور نسل وغیرہ۔مثلاً فَارِسيّ الأَصْل ایسے شخص کو کہا جاتا ہے،جو اہلِ فارس کی نسل سے ہو،گویا اس کی جڑ اوربنیاد فارس ہے۔یا کہا جاتا ہے:ثَبَتَ أو رَسَخَ أَصْلُهُ یعنی اس کی بنیاد پختہ ہوگئی ہے۔[1] اصطلاحی طور پر اُن اُصول ومبادی کو اُصول کا نام دیا جاتا ہے،جوکسی علم وفن میں بنیادی حیثیت رکھتے ہوں اور جن سے احکام نکالے جاتے ہوں۔[2] یہ بھی کہا گیا ہے کہ اصل وہ ہے جو خود بنفسہٖ قائم ہو اور دوسری چیزوں کی بناء اس پر ہو۔[3]

[1] القاموس المحيط للفيروز آبادي:ص1242 [2] القاموس الوحيد لوحيد الزّمان:ص126 [3] التّعريفات للجرجاني:ص22