حج وعمرہ کی آسانیاں

’’ أَرَأَیْتَ لَوْ کَانَ عَلیٰ أَبِیْکَ دَیْنٌ أَکُنْتَ قَاضِیَہُ؟‘‘ ’’تمہارا کیا خیال ہے ، کہ اگر تمہارے والد کے ذمے قرض ہو ، تو تم اسے ادا کرو گے؟‘‘ اس نے عرض کیا : ’’ ( جی ) ہاں۔‘‘ آنحضرت صلی اللہ علیہ وسلم نے فرمایا: ’’ حُجَّ عَنْ أَبِیْکَ۔‘‘ [1] ’’ اپنے باپ کی طرف سے حج کرو۔‘‘ د: امام بخاری نے حضرت ابن عباس رضی اللہ عنہما سے روایت نقل کی ہے ، کہ بے شک جہینہ (قبیلے) کی ایک خاتون نبی کریم صلی اللہ علیہ وسلم کی خدمت میں حاضر ہوئیں اور عرض کیا: ’’إِنَّ أُمِيْ نَذَرَتْ أَنْ تَحُجَّ ، فَلَمْ تَحُجَّ ، حَتّٰی مَاتَتْ، أَفَأَحُجُّ عَنْہَا؟‘‘ ’’بے شک میری والدہ نے حج کی نذر مانی تھی، (لیکن) وہ حج کرنے سے پہلے فوت ہو گئیں ،تو کیا میں ان کی طرف سے حج کروں؟‘‘ آنحضرت صلی اللہ علیہ وسلم نے فرمایا: ’’نَعَمْ ، حُجِّيْ عَنْہَا۔ أَرَأَیْتِ لَوْ کَانَ عَلَی أُمِّکِ دَیْنٌ أَکُنْتِ قَاضِیَتِہِ ؟ اُقْضُوْا اللّٰہَ، فَاللّٰہُ أَحَقُّ بِالْوَفَائِ۔‘‘ [2]

[1] الإحسان في تقریب صحیح ابن حبان، کتاب الحج ، باب الحج والاعتمار عن الغیر، رقم الحدیث ۳۹۹۲، ۹؍۳۰۵ ۔ شیخ ارناؤوط نے اس کی [سند کو حسن] کہا ہے۔ (ملاحظہ ہو: ہامش الإحسان ۹؍۳۰۵)۔ [2] صحیح البخاري ، کتاب جزاء الصید، رقم الحدیث ۱۸۵، ۴؍۶۴۔