حج وعمرہ کی آسانیاں

قربانیاں ذبح کیں، لیکن آنحضرت صلی اللہ علیہ وسلم نے امت کے لیے یہ آسانی فرمائی ہے، کہ وہ اسی دن اور اس کے بعد منیٰ کے تینوں دنوں میں قربانی کرسکتے ہیں۔ توفیقِ الٰہی سے ذیل میں اس بارے میں قدرے تفصیل سے گفتگو کی جارہی ہے: دو دلیلیں: ا: حضرات ائمہ احمد، ابن حبان اور بیہقی نے حضرت جبیر بن مطعم رضی اللہ عنہ کے حوالے سے نبی کریم صلی اللہ علیہ وسلم سے روایت نقل کی ہے، کہ آپ صلی اللہ علیہ وسلم نے فرمایا: ’’وَفِيْ کُلِّ أَیَّامِ التَّشْرِیْقِ ذِبْحٌ۔‘‘[1] ’’اور سارے ایام تشریق [2] میں قربانی (کرنا جائز) ہے۔‘‘ ب: امام ابن قیم لکھتے ہیں: ’’وَلِأَنَّ الثَّلَاثَۃَ تَخْتَصُّ بِکَوْنِہَا أَیَّامَ مِنَی، وَأَیَّامَ الرَّمْیِ، وَأَیَّامَ التَّشْرِیْقِ، وَیُحْرَمُ صِیَامُہَا، فَہِيَ إِخْوَۃٌ فِيْ ہٰذِہِ الْأَحْکَامِ، فَکَیْفَ تَفْتَرِقُ فِيْ جَوَازِ الذَّبْحِ بِغَیْرِ نَصٍّ وَ لَا

[1] المسند، جزء من رقم الحدیث ۱۶۷۵۱، ۲۷/۳۱۶؛ والإحسان في تقریب صحیح ابن حبان، کتاب الحج، باب الوقوف بعرفۃ والمزدلفۃ والدفع منہما، ذکر وقوف الحاج بعرفات والمزدلفۃ، جزء من رقم الحدیث ۳۸۵۴، ۹/۱۶۶؛ والسنن الکبری للبیہقي، کتاب الضحایا، باب من قال الأضحی جائز یوم النحر وأیام منی کلہا لأنہا أیام النسک، جزء من رقم الحدیث ۱۹۲۳۹، ۹/۴۹۷۔ الفاظِ حدیث صحیح ابن حبان کے ہیں۔ امام ابن قیم اور علامہ شوکانی نے متعدد طرق کی بنا پر اسے (قوی) قرار دیا ہے، شیخ البانی کی رائے میں شواہد کی بنا پر یہ (حسن) سے کم مرتبہ کی نہیں اور شیخ ارناؤوط اور ان کے رفقاء کے نزدیک المسند کی روایت سند کے ضعف کے باوجود شواہد اور متعدد طرق کی بنا پر (صحیح لغیرہ) ہے۔ (ملاحظہ ہو: زاد المعاد ۲/۳۱۹؛ ونیل الأوطار ۵/۲۱۶؛ وسلسلۃ الأحادیث الصحیحۃ، رقم الحدیث ۲۴۷۶، ۵/۶۱۷۔۶۲۲؛ ومناسک الحج والعمرۃ للشیخ البانی ص ۳۴؛ وہامش المسند ۲۷/۳۱۶)۔ [2] ایام التشریق سے مراد گیارہ، بارہ اور تیرہ ذوالحجہ ہیں۔