حج وعمرہ کی آسانیاں

الْکَعْبَۃِ إِذْ بَعْضُ الْحِجْرِ مِنَ الْبَیْتِ] [1] [جب کعبۃ میں داخلہ ممکن نہ ہو، تو حطیم میں نماز (ادا کرنے) کا مستحب ہونا، کیونکہ حطیم کا کچھ حصہ [2]بیت (اللہ) میں سے ہے] ۱۴: طواف اور سعی کے درمیان وقفہ کرنا: طواف کے متصل بعد سعی کرنا مستحب اور افضل ہے، کیونکہ نبی کریم صلی اللہ علیہ وسلم نے ایسے ہی کیا،[3]لیکن اگر کوئی شخص ان دونوں کے درمیان وقفہ کرلے، تو اس پر نہ گناہ ہے اور نہ فدیہ۔ توفیقِ الٰہی سے ذیل میں اس بارے میں بعض علمائے امت کے اقوال و افعال درج کیے جارہے ہیں: ا: امام احمد نے فرمایا: ’’لَا بَأْسَ أَنْ یُؤَخِّرَ السَّعْيَ حَتَّی یَسْتَرِیْحَ أَوْ إِلَی الْعَشِيِّ۔‘‘[4] [سعی کو آرام کرنے یا پچھلے پہر تک مؤخر کرنے میں کچھ مضایقہ نہیں۔] ب: علامہ ابن قدامہ نے تحریر کیا ہے: ’’وَکَانَ عَطَائٌ وَالْحَسَنُ لَا یَرَیَانِ بَأْسًا لِمَنْ طَافَ بِالْبَیْتِ أَوَّلَ النَّہَارِ، أَنْ یُؤَخِّرَ الصَّفَا وَالْمَرْوَۃَ إِلَی الْعَشِيِّ۔ وَفَعَلَہُ الْقَاسِمُ وَمُحَمَّدُ بْنُ جُبَیْرٍ۔‘‘[5]

[1] صحیح ابن خزیمۃ ۴/۳۳۵۔ [2] ایک روایت میں ہے، کہ وہ حصہ چھ بالشت کے برابر ہے۔ (ملاحظہ ہو: سلسلہ الأحادیث الصحیحۃ ، المجلد الأول / جزء من رقم الحدیث:۴۳)۔ [3] ملاحظہ ہو: صحیح مسلم، کتاب الحج، باب حجۃ النبي صلي اللّٰه عليه وسلم ، جزء من رقم الحدیث ۱۴۷۔(۱۲۱۸)، ۲/۸۸۸۔ [4] المغني ۵/۲۴۰۔ [5] المرجع السابق ۵/۲۴۰۔