حدیث سبعہ احرف کا عمومی جائزہ

اس نظریہ کے حاملین نے درج ذیل روایات سے استدلال کیا ہے: ۱:… ابو بکرہ رضی اللہ عنہ کی حدیث ہے کہ رسول اللہ صلی اللہ علیہ وسلم نے فرمایا: ’’ان سات حروف میں سے ہر حرف کافی اور شافی ہے ،بشرطیکہ عذاب کی آیت کا اختتام رحمت پر اور رحمت کی آیت کا اختتام عذاب پر نہ ہو۔ جیسا کہ تم تعال کی جگہ أقبل ، اور ھلم کی جگہ أذھب ، اور أسرع کی بجائے عجل کے الفاظ استعمال کر لیتے ہو۔‘‘ [1] ۲:… حضرت ابو ہریرہ رضی اللہ عنہ کا بیان ہے کہ رسول اللہ صلی اللہ علیہ وسلم نے فرمایا: ’’أ أُنْزِلَ الْقُرْآنُ عَلَى سَبْعَةِ أَحْرُفٍ ، فَاقْرَئُوا وَلَا حَرَجَ، ولکن لَا تَختِموا ذکر رحمۃ بِعَذَابٍ، وَلَا ذکر عَذَابٍ بِرَحْمَۃ۔‘‘ [2] ’’قرآن کریم کو سات حروف پر نازل کیا گیا ہے ، تم پڑھو ، کوئی حرج نہیں ، لیکن یہ خیال رہے کہ آیت ِرحمت کا اختتام عذاب سے اور آیت ِ عذاب کا اختتام رحمت کے تذکرہ پر نہ ہو۔‘‘ اور ایک روایت میں الفاظ ہیں: ’’لیس منہا إلا شاف کاف ، إن قلت:سمیعا علیما ، عزیزا حکیما ، مالم تختم آیۃ عذاب برحمۃ أو آیۃ رحمۃ

[1] مسند أحمد ۵-۴۱، مصنف ابن ابی شیبہ ۶-۱۳۸۔ امام سیوطی فرماتے ہیں:یہ الفاظ مسند احمد کی روایت میں جید سند کے ساتھ بیان ہوئے ہیں۔ ۱-۱۶۸۔ اور امام ہیثمی نے لکھا ہے کہ امام احمد اور امام طبرانی نے اس روایت کو اس سے ملتے جلتے الفاظ میں بیان کیا ہے ، مگر انہوں نے أذہب اور أدبر کے الفاظ نقل کئے ہیں۔لیکن اس روایت میں علی بن زید بن جدعان سوء الحفظ راوی ہے ، البتہ اس کی متابعت موجود ہے اور مسند احمد کے دیگر راوی صحیح بخاری و مسلم کے راوی ہیں۔ ( مجمع الزوائد ۷-۶۲). [2] شرح مشکل الآثار ، الطحاوی ۸-۱۱۳ ، السنن الصغری للبیہقی ۱-۳۵۶۔ اور امام سیوطی نے الإتقان ۱-۱۶۸ میں اس کی سند کو جید قرار دیا ہے.