حدیث سبعہ احرف کا عمومی جائزہ

اللہ تعالیٰ نے حکم دیا ہے کہ اپنی امت کو ایک حرف پر قرآن پڑھائیں۔ آپ صلی اللہ علیہ وسلم نے فرمایا:میں اللہ سے معافی اور بخشش کا طلب گار ہوں، میری امت اس کی طاقت نہیں رکھتی۔ دوسری ،تیسری اور چوتھی مرتبہ بھی آپ نے جبریل علیہ السلام سے یہی بات کہی تو بالآخر جبریل علیہ السلام اللہ تعالیٰ کی طرف سے یہ پیغام لے کر آئے: إِنَّ اللّٰه یَأْمُرُکَ أَنْ تَقْرَأَ أُمَّتَکَ الْقُرْآنَ عَلَی سَبْعَۃِ أَحْرُفٍ، فَأَیُّمَا حَرْفٍ قَرَئُ وا عَلَیْہِ فَقَدْ أَصَابُوا۔ [1] ’’اللہ تعالی نے حکم دیا ہے کہ اپنی امت کو سات حروف پر قرآن پڑھائیں۔جس حرف کے مطابق بھی وہ قراء ت کریں گے، درست ہو گا۔‘‘ (أضاء ۃ بنی غفار،بنو غفار کا کنواں)مدینہ منورہ کے قریب ایک جگہ کا نام ہے۔الأضائۃ:پانی کے تالاب کو کہتے ہیں،جیسے ’غدیر ‘بھی پانی کے تالاب کو کہا جاتا ہے۔اور بعض نے نزدیک الأضاۃ آبی گزر گاہ کو کہتے ہیں۔اور بنو غفار کی طرف اس کی نسبت کی وجہ یہ ہے کہ یہ قبیلہ اسی جگہ مقیم تھا۔ [2]

[1] صحیح مسلم ، کتاب:صلاۃ المسافرین وقصرھا ، باب: بیان أن القرآن علی سبعۃ أحرف ۲-۲۰۳، سنن أبی داؤد،کتاب:الصلاۃ،باب: أنزل القرآن علی سبعۃ أحرف ۲-۷۶. [2] متعدد محققین و مؤرخین،جیسے ابو عبید البکری ، ابو اسحاق الوہرابی ، قاضی عیاض ، ابن جوزی اور ابن جحر نے إضاۃ سے مراد پانی کا تالاب اور إضاۃ بنی غفار، مدینہ النبی صلی اللہ علیہ وسلم کے قریب ایک جگہ کو قرار دیا ہے۔دیکھئے: معجم ما استعجم من البلدان ۱-۱۶۴، مطالع الأنوار علی صحیح الآثار ۱-۳۷۱، مشارق الأنوار علی صحا ح الآثار۱-۵۸، کشف المشکل من حدیث الصحیحین ۲-۷۰ ،فتح الباری ۹-۲۸، البتہ یاقوت الحموی نے معجم البلدان۱-۲۱۴ میں اور ازرقی نے أخبار مکۃ ۲-۲۱۳ میں اسے مکہ مکرمہ کے قریب ایک جگہ قرار دیا ہے۔اس رائے کے حاملین نے کتب ِسیر میں عمرفاروق رضی اللہ عنہ کے اس بیان سے استدلال کیا ہے: ’’اتعدت لما أردنا الہجرۃ إلی المدینۃ أنا وعیاش بن أبی ربیعۃ وہشام بن العاص بن وائل السہمی التناضب من أضاۃ بنی غفار فوق سرف(الروض الأنف فی شرح السیرۃ للسہیلی۴-۱۷۰) لیکن صحیح بات یہ ہے کہ یہ مدینہ منورہ کے قریب ایک جگہ کانام ہے۔ اس کی واضح دلیل یہ ہے کہ یہ حدیث ابی بن کعب رضی اللہ عنہ سے مروی ہے اور وہ مدینہ کے انصار میں سے ہیں۔اور اس کی مزید تائید اس سے بھی ہوتی ہے کہ لہجات عرب کا اختلاف ہجرت نبوی صلی اللہ علیہ وسلم کے بعدظاہر ہوا تھا.