حدیث سبعہ احرف کا عمومی جائزہ

نے ﴿اِنَّمَا الصَّدَقٰتُ لِلْفُقَرَآئِ وَ الْمَسٰکِیْنِ﴾ کو بغیر مد کے پڑھا تو عبد اللہ بن مسعود رضی اللہ عنہ نے فرمایا: رسول اللہ صلی اللہ علیہ وسلم نے مجھے یہ اس طرح نہیں پڑھایا۔آپ کو کس طرح پڑھایا ہے ؟ اس نے پوچھا۔ فرمایا:مجھے آپ نے ﴿اِنَّمَا الصَّدَقٰتُ لِلْفُقَرَآئِ وَ الْمَسٰکِیْنِ﴾ مد کے ساتھ پڑھایا ہے۔ [1] چہارم اصول:… قرآن کریم کو سات حروف اور مختلف قراء ات پرنازل کرنے کا بنیادی مقصد یہ تھا کہ قراء ت میں توسع کے ذریعے افرادِ امت کے لئے آسانی پیدا کی جائے۔ کیونکہ پوری امت کو ایک ہی حرف کے مطابق قراء ۃ کرنا کافی مشکل ہوتا۔اس کی دلیل اللہ کے رسول صلی اللہ علیہ وسلم کا یہ فرمان ہے: ’’فاقرء وا ما تیسر منہ ‘‘ ’’ ان میں سے جو تمہیں آسان معلوم ہو ، اس کے مطابق پڑھ لو۔ ‘‘ نیز سبعہ أحرف کی روایات میں تعددِّ قراء ات کا جو فلسفہ بیان ہوا ہے ، وہ یہی ہے کہ امت ، خصوصاًاہل عرب کے مختلف قبائل کے لئے قرآن کی قراء ۃ میں آسانی کی راہ ہموار کی جائے۔جیسا کہ رسول اللہ صلی اللہ علیہ وسلم نے تین بار عرض کی:’’ میں اللہ سے معافی اور مغفرت کا خواستگار ہوں ، بلاشبہ میری امت اس کی طاقت نہیں رکھے گی۔‘‘ [2] اور آپ کا بیان ہے کہ میں نے کہا:’’جبریل !مجھے ایک ان پڑھ قوم میں نبی بنا کر بھیجا

[1] سنن سعید بن منصور ۵-۲۵۷، المعجم الکبیر للطبرانی ۹-۱۳۷۔ امام ابن جزری نے اس روایت کو ذکر کرنے کے لکھا ہے: ’’یہ حدیث مد کے باب میں حجت(Authority) اور نص کا درجہ رکھتی ہے اور اس کی سند کے تمام راوی قابل اعتماد اور ثقہ ہیں۔ ‘‘ (النشر فی القراء ات العشر ۱-۳۱۵). [2] صحیح مسلم ، کتاب ، صلاۃ المسافرین و قصرھا ، باب: بیان أن القرآن علی سبعۃ أحرف ۲-۲۰۳، سنن أبی داؤد ، کتاب: الصلاۃ ، باب: أنزل القرآن علی سبعۃ أحرف ۲-۷۶، سنن النسائی ، کتاب:الإفتتاح ، باب: جامع ما جاء فی القرآن ۲-۱۵۲۔ اورابن حبان نے اس حدیث کا ترجمہ (عنوان ) ان الفاظ میں (قائم)کیا ہے: رسول اللہ صلی اللہ علیہ وسلم نے اپنے رب معافی اور مغفرت کی درخواست کیوں کی تھی؟ (صحیح ابن حبان۳-۱۴).