حدیث سبعہ احرف کا عمومی جائزہ

کی پوری پوری تعمیل کی۔ حدیث مبارکہ ہے: ’’إن اللّٰه یأمر ک أن تقرئ أمتک القرآن علی سبعۃ أحرف فأَیُّمَا حَرْفٍ قَرَئُ وا عَلَیْہِ فَقَدْ أَصَابُوا۔‘‘ [1] ’’بے شک اللہ تعالی ٰ کو آپ صلی اللہ علیہ وسلم کو حکم دیتا ہے کہ اپنی امت کو سات حروف پر قرآن پڑھاؤ۔جس حرف پر بھی لوگ اسے پڑھیں گے، بلاشبہ وہ درست ہو گا۔‘‘ جبریل امین علیہ السلام جس طرح سات حروف پر قرآن لے کر نازل ہوتے ، حکم خداوندی کی تعمیل میں آپ صحابہ رضی اللہ عنہم کو بعینہ اسی طرح قرآن پڑھادیتے۔کسی کو ایک طرح سے اور کسی کو دوسری طرح سے پڑھاتے۔ اور صحابہ کرام رضی اللہ عنہم کے درمیان قراء ات کے سلسلے میں جو اختلاف ہوا ،اس کی وجہ بھی یہی تھی کہ بعض نے ایک قراء ۃ کے مطابق قرآن سیکھا تھا تو بعض نے دو یا زائد قراء توں کے مطابق سیکھا تھا۔پھر جب صحابہ کرام رضی اللہ عنہم دور دراز علاقوں میں پھیل گئے تو ہر صحابی اپنے شاگردوں (تابعین) کو اور تابعین نے اپنے شاگردوں (تبع تابعین )کو اسی قراء ۃ کے مطابق قرآن پڑھایا ،جس کے مطابق خود اس نے رسول اللہ صلی اللہ علیہ وسلم سے پڑھا تھا۔چنانچہ امام اندرابی فرماتے ہیں: ’’لم یحفظ عن رسول اللّٰه قراء ۃ مجردۃ علی وجہ واحد من أول القرآن إلی آخرہ لأنہ کان یقرئ ویقرأ بالوجوہ کلہا ، مرۃ علی ذا الوجہ ومرۃ علی ذلک۔ ‘‘ [2] ’’ایسا نہیں ہے کہ کسی صحابی رضی اللہ عنہ نے شروع سے آخر تک پورے قرآن کو آپ صلی اللہ علیہ وسلم سے ایک ہی طریقہ کے مطابق حفظ کیا ہو ، کیونکہ رسول اللہ صلی اللہ علیہ وسلم تمام

[1] صحیح مسلم ، کتاب الصلاۃ ، باب: أنزل القرآن علی سبعۃ أحرف ،رقم:۸۲۱، تحقیق:فؤاد محمد عبد الباقی؛ سنن أبی داؤدر،باب: أنزل القرآن علی سبعۃ أحرف، رقم:۴۱۷۸تحقیق: محمد محی الدین عبد الحمید ، دار الفکر. [2] الإیضاح فی القراء ات ، ابن أبی عمر الإندرابی، تحقیق: منی عدنان ، ص ۳۹۰.