حدیث ابو ذر رضی اللہ عنہ

ساتواں اور آٹھواں جملہ یاعبادی! لو أن أولکم وآخرکم ،وإنسکم وجنکم ،کانوا علی أتقی قلب رجل واحد منکم ما زاد ذلک فی ملکی شیئا،یاعبادی!لو أن أولکم وأخرکم وإنسکم وجنکم ،کانوا علی أفجر قلب رجل واحد مانقص ذلک من ملکی شیئا، (اللہ تعالیٰ کی کمال بادشاہت) اے میرے بندو!اگر تمہارے تمام اگلے اور پچھلے اور تمام انسان وجن،ایک سب سے بڑے متقی انسان کے دل کا روپ دھار لیں تومیری بادشاہت میں کچھ اضافہ نہ کرسکیں گے۔ اے میرے بندو!اگر تمہارے تمام اگلے اور پچھلے اور تمام انسان وجن، ایک سب سے بڑے فاسق وفاجر انسان کے دل کا روپ دھارلیں ،تو میری بادشاہت میں سے کچھ کمی نہ کرسکیں گے۔ حدیث کے یہ دونوں جملے اللہ تعالیٰ کی کمالِ بادشاہت کی دلیل ہیں، نیز یہ کہ اللہ رب العزت اپنی مخلوق سے بدرجۂ کمال مستغنی ہے،چنانچہ اگر تمام مخلوق متقی اورصالح بن جائے اور سب کے دل،کائنات کے سب سے بڑے متقی انسان کے دل جیسے ہوجائیں،تو اس کی