حدیث ابو ذر رضی اللہ عنہ

خلاصۂ کلام یہ ہے کہ ہر انسان پیداتو سلیم الفطرت ہوتاہے ،مگر جاہل ہوتا ہے،اس کے اندر بالقوہ قبولِ حق کی استعداد ہوتی ہے ،اب اگر وہ انبیاءِ کرام کی تعلیمات کو اپناتاہے،جو کہ ہدایت کا منبع ومخزن ہوتی ہیںاور ساتھ ساتھ اللہ تعالیٰ سے ہدایت کی دعا کرتارہتا ہے ،تو وہ یقیناً زیورِ ہدایت سے آراستہ وپیراستہ ہوجائے گا،لیکن اگر وہ اپنے اندر فطرۃً قبولِ حق کی استعداد کے باوجود،وحیٔ الٰہی سے ہدایت حاصل نہیں کرتا اورنہ ہی صدقِ دل سے ہدایت کی دعاکرتاہے تووہ گمراہ ہی رہتا ہے ۔ حافظ ابن رجب رحمہ اللہ اسی نکتہ کو واضح کرتے ہوئے فرماتے ہیں: قد ظن بعضھم أنہ معارض لحدیث عیاض بن حمار عن النبی صلی اللہ علیہ وسلم (یقول اللہ عزوجل :خلقت عبادی حنفاء-وفی روایۃ:مسلمین- فاجتالتھم الشیاطین) ولیس کذلک، فإن اللہ خلق بنی آدم وفطرھم علی قبول الإسلام والمیل إلیہ دون غیرہ، والتھیؤ لذلک والاستعداد لہ بالقوۃ ،لکن لابد للعبد من تعلیم الإسلام بالفعل، فإنہ قبل التعلیم جاھل لایعلم شیئا،کما قال عزوجل:[واللہ أخرجکم من بطون امھاتکم لاتعلمون شیئا]وقال لنبیہ صلی اللہ علیہ وسلم : [ووجدک ضالا فھدی] والمراد وجدک غیر عالم بما علمک من الکتاب والحکمۃ