حدیث ابو ذر رضی اللہ عنہ

لاتسل بنی آدم حاجۃ وسل الذی أبوابہ لاتغلق فبنی آدم یغضب إن سألتہ واللہ یغضب إن ترکت سؤالہ یعنی:اولادِ آدم سے کسی حاجت کا سوال نہ کرو،بلکہ اس ذات سے سوال کرو جس کے دروازے کبھی بند نہیں ہوتے۔بنوآدم تو سوال کرنے سے ناراض ہوتےہیں،جبکہ اللہ تعالیٰ سوال نہ کرنے سے ناراض ہوتاہے۔ میدان میں جمع ہوکر دعا کی حکمت تمام جن وانس اور تمام اولین وآخرین کے ایک میدان میں جمع ہوکر دعا مانگنے میں حکمت یہ ہے کہ جس قدر اجتماع بڑا ہوتاہے،اسی قدر قبولیتِ دعا کا موقع وامکان بڑھ جاتاہے؛اسی لئے اللہ تعالیٰ نے دن میں پانچ بار مسجد میں اقامتِ صلاۃ کیلئےجمع ہونےکا حکم دیاہے،مزیدبرآں ہرہفتے جمعہ کی نماز کی ادائیگی کیلئے جمع ہونے کاحکم دیا،یہ بات معلوم ہے کہ جمعہ کا اجتماع عام نمازوں کے اجتماع سے بڑا ہوتاہے،مزیدبرآں عیدین کی نماز کی ادائیگی کیلئے ایک میدان میں جمع ہونے کا حکم دیا،یہ سالانہ اجتماع،جمعہ کے اجتماع سے بڑا ہوتاہے،جب لوگوں کو بارش کی حاجت ہوتی ہےاور خشک سالی ایک قحط اوروباء کی شکل اختیارکرلیتی ہے،تولوگ اپنے رب سے دعاء مانگنے کے محتاج بن جاتے ہیں،اس