فرصت کے لمحات کیسے گزاریں ؟

تلاوت قرآن اورتدبر معانی : آپ صلی اللہ علیہ وسلم نے فرمایا: ’’تم میں سے بہتر وہ ہے جو قرآن سیکھے اور سکھائے ۔‘‘ اصل مقصو د تدبر کرناہے ۔ جو کوئی اس بات کو پسند کرتاہو کہ وہ اللہ سے ہم کلام ہو ، اسے چاہیے کہ وہ کتاب اللہ کی تلاوت کرے۔ حسن بن علی رضی اللہ عنہما فرماتے ہیں : ’’ وہ لوگ جو تم سے پہلے گزر چکے ان کا عقیدہ یہ تھا کہ یہ قرآن ان کے رب کی طرف سے ان کی جانب چٹھیاں ہیں ، پس وہ راتوں کو اس میں تدبر کرتے تھے ، اور دن کو اس کے معانی کو تلاش کرتے تھے۔‘‘ ( علم حاصل کرتے ، تفسیر سیکھتے تھے) سورت ص آیت:۲۹میں اللہ تعالیٰ فرماتے ہیں : ’’ یہ کتاب ہم نے آپ کی طرف نازل کی ہے ، بہت با برکت ہے ۔تاکہ اس کی آیات میں غور وفکر کیا جائے اور اہل عقل لوگ اس سے نصیحت حاصل کریں ۔‘‘ سورت محمدآیت ۲۴ میں فرمایا: ’’ کیا وہ لوگ قرآن میں غور وفکر نہیں کرتے یا ان کے دلوں پر تالے پڑ چکے ہیں ۔‘‘ رسول اللہ صلی اللہ علیہ وسلم نے فرمایا: ’’جس نے کتاب اللہ کا ایک حرف پڑھا اس کے لیے ایک نیکی ہے ، اور یہ نیکی دس کے برابر ہے، اور میں نہیں کہتا کہ ’’الم ‘‘ ایک حرف ہے ؛ بلکہ الف ایک حرف ، لام ایک حرف ، میم ایک حرف ہے ۔‘‘ (ترمذی) لہٰذاکوئی تفسیر جیسے مختصر ابن کثیر، احسن البیان ، مختصر طبری لے کر لفظ بلفظ پڑھ ڈالیں ، ایمان اور عمل میں اضافہ ہوگا ۔ کیونکہ قرأن سے محبت اللہ تعالیٰ اور اس کے رسول سے محبت کی دلیل ہے ، آپ صلی اللہ علیہ وسلم نے فرمایا: