فتنوں میں مومن کا کردار

قبل اسکے دل کو مردہ کردیتا ہے۔ 3۔تیسری علامت :نادانوں کی چودھراہٹ ایسے نوجوان جن کا نہ تو دین پختہ ہے اور نہ عقل، اور جو جذبات وعواطف کی مخلوق ہیں، جو چلنے کی جگہ پر بہنے لگتے ہیں اور رُکنے کی جگہ پر گر پڑتے ہیں۔جن کے پاس نہ علم ہے، نہ دین کی سمجھ اور تجربہ۔ جو بے تکی باتوں پر احکام صادر کرتے ہیں اور افواہوں پر بھروسہ کرلیتے ہیں اور فتوی دینے میں نہایت جری ہوتے ہیں۔ان لوگوں کی پہچان نہ علم سے ہے اور نہ ہی حلم سے۔ ان کا جوش وجذبہ انہیں فتنے کی طرف کھینچ لاتا ہے اور وہ اپنے جوش وجنوں اورظاہری شکل وصورت سے اچھے اچھے لوگوں کو اپنے دام فریب میں گرفتار کرلیتے ہیں۔اور اسی طرح کے نادانوں کے متعلق اﷲ تعالیٰ کایہ فرمان ہے : ﴿وَاتَّقُوْا فِتْنَۃً لَّا تُصِیْبَنَّ الَّذِیْنَ ظَلَمُوْا مِنکُمْ خَآصَّۃً ﴾ (الأنفال :25) ترجمہ : اور تم لوگ ایسے فتنہ سے بچتے رہو جس کا اثر تم میں سے صرف ظالموں تک ہی محدود نہیں رہے گا۔ ایسے سر پھرے نوجوان جب فتنوں کے سربراہ بن جائیں تو پھر عقل مندوں کی ان کے سامنے ایک نہیں چلتی اور وہ سب ان کے آگے عاجز ودر ماندہ رہ جاتے ہیں۔ جیسا کہ شیخ الإسلام امام إبن تیمیہ رحمہ اﷲ فرماتے ہیں : " وَالْفِتْنَۃُ إِذَا وَقَعَتْ عَجَزَ الْعُقْلَائُ فِیْہَا عَنْ دَفْعِ السُّفْہَائِ "( (المنہاج :4؍187) ترجمہ : جب فتنہ ظہور پذیر ہوتا ہے تو عقل مند، نادانوں کو اس سے باز رکھنے کے معاملے میں عاجز رہ جاتے ہیں۔ سیدنا عبد اللہ بن مسعود رضی اللہ عنہ فرماتے ہیں : "لَایَزَالُ النَّاسُ بِخَیْرٍ مَا أَتَاھُمُ الْعِلْمُ مِنْ عُلَمَائِہِمْ وَکُبْرَائِہِمْ وَذَوِیْ أَسْنَانِہِمْ فَإِذَا أَتَاہُمُ الْعِلْمُ عَنْ صِغَارِہِمْ وَسُفْھَائِہِمْ فَقَدْ ھَلَکُوْا" (رواہ الطبرانی فی الکبیر والأوسط وأبو نعیم فی حلیۃ الأولیاء ) ترجمہ : لوگ اس وقت تک بھلائی پر رہیں گے جب تک علم،انکے پاس علماء،اکابرین اور عمر دراز بزرگوں سے آتا رہے گا،لیکن جب یہی علم انہیں نو عمر لوگوں اور نادانوں سے آنا شروع ہوجائے تو پھر وہ برباد ہوجائیں گے۔ اور یہ عام مشاہدہ ہے کہ اس طرح کے بے لگام نوجوان ہر جماعت بالخصوص جماعت اہل حدیث کے لئے ایک بہت بڑی مصیبت ہیں۔ 4۔ چوتھی علامت : فتنہ پروروں کا بدترین خاتمہ ہر دور میں فتنہ پروروں کا، جو مسلمان خلیفہ یا بادشاہ کے خلاف علم بغاوت بلند کرتے ہیں،بد ترین خاتمہ ہوا ہے اور اس بات پر ہر دور کی تاریخ کے