فتنوں میں مومن کا کردار

گلوچ بلکہ بسا اوقات ان کے ساتھ مارپیٹ کرنے سے بھی نہیں چوکتے۔اور ایک ایسا ہی واقعہ امام حسن بصری رحمہ اللہ کے ساتھ بھی پیش آیا تھا : 2۔جب عبد الرحمن بن أشعث کا فتنہ اٹھا تو اس فتنے میں بہت سے حفاظ قرآن شامل ہوگئے اور وہ سید التابعین امام حسن بصری رحمہ اللہ کے پاس آکر کہنے لگے : " مَاتَقُوْلُ فِیْ ہٰذِہِ الطَّاغِیَۃِ الَّذِیْ أَکَلَ مَالَ الْحَرَامَ وَسَفَکَ الدَّمَ الْحَرَامَ وَتَرَکَ الصَّلَاۃَ وَفَعَلَ وَفَعَلَ۔فَقَالَ الْحَسَنُ: أَرَی أَلَّا تُقَاتِلُوْہُ فَإِنَّھَا إِنْ تَکُنْ عُقُوْبَۃً مِّنَ اللّٰہِ تَعَالیٰ فَمَا أَنْتُمْ بَرَادِّیْ عُقُوْبَۃَ اللّٰہِ بِأَسْیَافِکُمْ، وَأَنْ یَکُنْ بَلَائً فَاصْبِرُوْا حَتّٰی یَحْکُمُ اللّٰہُ وَہُوَ خَیْرُ الْحَاکِمِیْنَ۔ فَخَرَجُوْا مِنْ عِنْدِہِ وَہُمْ یَقُوْلُوْنَ أَنُطِیْعُ ہٰذَا الْعِلْج؟(الطبقات الکبری لإبن سعد : 7؍163۔ الأسماء والکنٰی للدولابی :3؍1035 تاریخ دمشق :12؍178) ترجمہ : آپ اس طاغوت ( حجاج بن یوسف ) کے متعلق کیا فرماتے ہیں جس نے خونِ ناحق بہایا اور ظلم سے مال حاصل کیا اور نماز چھوڑ دیا اور فلاں فلاں کام کیا ؟ تو آپ نے جواب دیا : میری رائے یہ ہے کہ تم اس سے جنگ نہ کرو۔ اس لئے کہ حجاج کا تم پر مسلط ہونا اگر اﷲ تعالیٰ کی جانب سے سزا ہے تو پھر تم اﷲ کے عذاب کو اپنی تلوار سے پھیر نہیں سکتے۔ اگر یہ ایک مصیبت ہے تو پھر اﷲ کے فیصلے تک صبر کرو اور وہ بہترین فیصلہ کرنے والا ہے۔یہ سننا تھا تو لوگ ان کے پاس سے یہ کہتے ہوئے بھاگ کھڑے ہوئے : کیا اس جنگلی گدھے کی ہم بات مانیں گے ؟ پھر نتیجہ کیا نکلا ؟ یہ سب کے سب حجاج کی فوجوں کا لقمہ بن کر دوسروں کے لئے عبرت وموعظت کی داستان رقم کرگئے۔ 3۔ حقیقت یہ ہے کہ علماء کا عدم احترام اور انکی غیبت ایک ایسی وبا ہے اکثر لوگ اس کا شکار ہیں جس کی وجہ سے اﷲ تعالیٰ نے ان کو قساوت قلبی کے عذاب میں مبتلا کردیا ہے۔ جیسا کہ حافظ إبن عساکر رحمہ اللہ فرماتے ہیں : "إِعْلَمْ یَا أَخِیْ ! إِنَّ لُحُوْمَ الْعُلْمَائِ مَسْمُوْمَۃٌ، وَعَادَۃُ اللّٰہِ فِیْ ہَتْکِ مُنْتَقَصِیْہِمْ مَعْلُوْمَۃً، وَإِنَّ مَنْ أَطْلَقَ لِسَانَہُ فِی الْعُلْمَائِ بِالثَّلْبِ بَلَاہُ اللّٰہُ قَبْلَ مَوْتِہِ بِمَوْتِ الْقَلْبِ "۔ترجمہ : اے میرے بھائی !یہ بات اچھی طرح جان لو کہ علماء کے گوشت زہریلے ہوتے ہیں اور ان لوگوں کی شان میں گستاخی کرنے والوں کے متعلق اﷲ تعالیٰ کا دستور سبھی جانتے ہیں۔جو شخص اپنی زبان سے علمائے کرام کو تکلیف پہنچاتاہے تو اﷲ تعالیٰ اسکی موت سے