فتنۂ غامدیت، ایک تحقیقی وتنقیدی جائزہ

شرعی عدالت میں غامدی صاحب کے انحرافات اور کہہ مکرنیاں مسئلہ شہادتِ نسواں پر شرعی عدالت میں بیان چند اہم نکات کی وضاحت جون ۱۹۸۹ء میں وفاقی شرعی عدالت کے لاہور سیشن میں تقریباً دو ہفتے مسئلہ شہادتِ نسواں پر بحث جاری رہی۔ درخواست گزاروں کا موقف یہ تھا کہ حدود آرڈیننس میں حدود کے معاملات میں عورت کی گواہی کو جو ناقابلِ قبول قرار دیا گیا ہے، وہ صحیح نہیں ہے۔ اس معاملے میں مرد اور عورت کے درمیان کوئی فرق نہیں ہونا چاہیے۔ تمام مکاتبِ فکر کے جید علما کے علاوہ تجدد پسندوں اور مغرب زدہ حضرات کو بھی دعوتِ خطاب دی گئی اور فاضل عدالت نے بڑے صبر و تحمل سے سب کی باتیں سنیں۔ متجددین و منحرفین میں ایک جاوید احمد غامدی صاحب بھی تھے۔ انھوں نے نہ صرف شہادتِ نسواں کے مسئلے میں مغرب زدگان کی ہم نوائی کی، بلکہ اپنے بیان اور خطاب میں اور بھی کئی اسلامی مسلّمات کا انکار اور قرآنِ کریم کی معنوی تحریف کا ارتکاب کیا۔ راقم بھی اس بحث میں فاضل عدالت کی خواہش پر، چونکہ مکمل طور پر شریک رہا تھا، اس لیے غامدی صاحب کا بھی پورا بیان سننے کا موقع ملا۔ ان کے بیان کے بعد راقم نے فاضل عدالت کو خطاب کر کے کہا کہ غامدی صاحب نے تمام اسلامی مسلّمات کا انکار کیا ہے، اس لیے ہمیں اس بیان پر بحث کرنے اور