کتاب: فقہ الصلاۃ (نماز نبوی مدلل)(جلد3) - صفحہ 414
((کَانَ رُکُوْعُ النَّبِیِّ صلی اللّٰه علیہ وسلم وَسُجُوْدُہٗ وَبَیْنَ السَّجْدَتَیْنِ وَاِذَا رَفَعَ مِنَ الرُّکُوْعِ،مَا خَلَا الْقِیَامِ وَالْقُعُوْدِ،قَرِیْبًا مِّنَ السَّوَائِ))[1]
’’نبی اکرم صلی اللہ علیہ وسلم کا رکوع و سجود،سجدوں کے درمیان اور قومہ سب تقریباً برابر ہوتے تھے،سوائے قیام اور قعدے کے(وہ لمبے ہوتے تھے)۔‘‘
دوسرا ذکر:
تسبیحات و اذکارِ رکوع کے سلسلے میں سنن ابو داود،دارقطنی،بیہقی،مستدرک حاکم،معجم طبرانی کبیر اور مسند احمد میں صحیح سند سے تین مرتبہ یہ کہنا بھی مروی ہے:
((سُبْحَانَ رَبِّیَ الْعَظِیْمِ وَبِحَمْدِہٖ))[2]
’’پاک ہے میرا پروردگار عظمت والا اپنی تعریفوں کے ساتھ۔‘‘
تیسرا ذکر:
رکوع کے لیے نبی اکرم صلی اللہ علیہ وسلم سے بعض دوسری دعائیں،تسبیحات اور اذکار بھی ثابت ہیں،جن میں سے ایک صحیح بخاری و مسلم،سنن ابو داود و نسائی،مسند ابو عوانہ،مصنف عبدالرزاق اور مسند احمد میں اُمّ المومنین حضرت عائشہ صدیقہ رضی اللہ عنہا سے مروی ہے:
((کَانَ النَّبِیُّ صلی اللّٰه علیہ وسلم یَقُوْلُ فِیْ رُکُوْعِہٖ وَسُجُوْدِہٖ:سُبْحَانَکَ اللّٰہُمَّ رَبَّنَا وَبِحَمْدِکَ اَللّٰہُمَّ اغْفِرْلِیْ))[3]
’’نبی اکرم صلی اللہ علیہ وسلم رکوع و سجود میں یہ کہا کرتے تھے:’’سُبْحَانَکَ اللّٰہُمَّ رَبَّنَا وَبِحَمْدِکَ اَللّٰہُمَّ اغْفِرْلِیْ‘‘(پاک ہے تو اے اللہ ہمارے پروردگار!اپنی تعریفوں کے
[1] للتفصیل: سنن الدارقطني(1/ 1/ 342،343)سنن الترمذي(2/ 118،119)صفۃ الصلاۃ(ص: 75،مشکاۃ المصابیح(1/ 277)المنتقیٰ مع نیل الأوطار(2/ 3/ 90)شرح السنۃ(3/ 102)تحفۃ الأحوذي(2/ 119)تحقیق زاد المعاد(1/ 217)تخریج صلاۃ الرسول(ص: 262،263)
[2] تحقیق زاد المعاد(1/ 218)و تحقیق مشکاۃ المصابیح(1/ 278)و ظاہر أسلوب الشوکاني والبناء أحمد عبدالرحمن تقویتہ(2/ 3/ 90)النیل و الفتح الرباني(3/ 255،256 ولکنہ ضعیف)
[3] سنن الترمذي مع التحفۃ(2/ 118 تا 120)نیل الأوطار(2/ 3/ 90)شرح السنۃ للبغوي(3/ 103)