فکر و عقیدہ کی گمراہیاں اور صراط مستقیم کے تقاضے

رو سے وہ تمام مخلوقات کی مشابہت ومماثلت سے الگ ہوگیا ہے تو وہی شخص ہدایت پر ہے اور وہ اس توحید کو پاگیا ہے جسے لے کر انبیاء علیہم السلام آئے اور کتابیں نازل ہوئی ہیں، جیسا کہ اللہ تعالیٰ نے سورئہ اخلاص اور سورئہ کافرون میں واضح فرمادیا ہے۔ قرآن کی تقسیم مطالب کے لحاظ سے قرآن تین حصوں پر منقسم ہے۔ ایک حصہ توحید پر مشتمل ہے، ایک تہائی حصے میں گزشتہ واقعات اور قصص ہیں اور ایک تہائی حصے میں امر ونہی ہے۔ سورئہ اخلاص ایک تہائی قرآن، یعنی توحید کا خلاصہ ہے، جیسا کہ نبی ٔکریم صلی اللہ علیہ وسلم نے فرمایا:’’ قُلْ ہُوَ اللّٰہُ اَحَدٌ‘‘ایک تہائی قرآن کے برابر ہے۔‘‘[1]کیونکہ اس سورت میں ذات الٰہی اور اس کے اسماء وصفات کا اثبات ہے، یعنی توحید قولی کی جامع ہے۔ فرمایا: ﴿ قُلْ هُوَ اللّٰهُ أَحَدٌ ﴿١﴾ اللّٰهُ الصَّمَدُ ﴿٢﴾ لَمْ يَلِدْ وَلَمْ يُولَدْ ﴿٣﴾ وَلَمْ يَكُن لَّهُ كُفُوًا أَحَدٌ ﴾ ’’اے پیغمبر! کہہ دو کہ اللہ ایک ہے، اللہ بے نیاز ہے، نہ اس کی اولاد ہے اور نہ وہ کسی کی اولاد ہے اور نہ اس کے کوئی برابر ہے۔‘‘ [2] سورئہ کافرون میں توحید قصدی عملی ہے، اس میں مخلص مومنوں کو، جو اللہ واحد ہی کی عبادت کرتے ہیں، مشرکوں سے جدا کر دیا گیا ہے جو اللہ کے ساتھ غیراللہ کی بھی عبادت

[1] صحیح مسلم، فضائل القرآن و مایتعلق بہ، باب فضل قراء ۃ ﴿قل ہو اللّٰہ أحد﴾ حدیث: 811۔ یہ حدیث دوسرے الفاظ سے بھی بخاری ومسلم میں ہے دیکھیے: صحیح البخاری، فضائل القرآن، باب فضل ﴿قل ہواللّٰہ أحد﴾ حدیث: 5013و صحیح مسلم، صلاۃ المسافرین، باب فضل قراء ۃ ﴿قل ہواللّٰہ أحد﴾ حدیث:812 [2] الإخلاص 1-4:112