فکر و عقیدہ کی گمراہیاں اور صراط مستقیم کے تقاضے

قبولیت ِدعا کا ایک سبب سوال ہوسکتا ہے کہ یہ کیسے معلوم کیا جائے کہ فلاں واقعہ کسی خاص سبب سے پیش آیا ہے؟ جواب یہ ہے کہ طبیعی امور کی طرح شرعی امور میں بھی اس کے معلوم کرنے کے متعدد طریقے ہیں اور ان میں سے ایک ہے، مجبوری کا پیش آجانا۔[1] چنانچہ عہد نبوی میں لوگ بارہا بھوکے پیاسے ہوئے۔ ایک دفعہ آپ صلی اللہ علیہ وسلم نے تھوڑے سے پانی میں دست مبارک رکھ دیا اورآپ کی انگلیوں سے پانی کے فوارے پھوٹنے لگے۔[2] اسی طرح تھوڑے سے کھانے میں ہاتھ رکھ دیا اور بے حدفراوانی ہوگئی۔[3] اسی طرح کے واقعات میں لامحالہ یقین پیدا ہوجاتا ہے کہ کھانے اور پانی میں زیادتی محض رسول اللہ صلی اللہ علیہ وسلم کے سبب سے ہوئی۔ اس کی مثال یوں سمجھیں کہ اگر کسی شخص پر تلوار کی شدید ضرب پڑے اور وہ

[1] یعنی آدمی کو کسی بات کی ضرورت کا حد درجہ سچا ہونے کا احساس بھی اس کے وقوع پذیر ہونے کا سبب بن جاتا ہے۔ مثلاً سخت بیمار ہوجاتا ہے اور سچے دل سے تندرستی کی آرزو کرتا رہتا ہے تو اکثر تندرستی حاصل ہو جاتی ہے۔ قوت ارادہ، زبردست قوت ہے یہی قوت ارادہ حکم الٰہی سے دنیا میں بڑے بڑے حیرت انگیز کارنامے دکھاتی ہے۔ حضرت عیسیٰ علیہ السلام نے فرمایا: ’’اگر سچے ارادے کیساتھ پہاڑ کو کہو کہ چلا آئے تو وہ بھی چلا آئے گا‘‘ آدمی اپنی قوت سے سب کچھ کرسکتا ہے۔ ہر آدمی میں اللہ نے یہ قوت رکھی ہے اور باقی تمام قوتوں کی طرح مشق وریاضت سے یہ قوت ترقی کر جاتی ہے۔ مسمریزم اور ہپناٹزم وغیرہ کے حیرت ناک اثرات اسی قوت ارادہ کے معمولی کرشمے ہیں، تھوڑی محنت و توجہ سے ہر آدمی اپنی اس قوت کو ترقی دے سکتا ہے۔ [2] صحیح البخاری، المغازی، باب غزوۃ الحدیبیۃ، حدیث: 4152و صحیح مسلم، الزہد، باب حدیث جابر الطویل…، حدیث:3013 [3] صحیح البخاری، الشرکۃ، باب الشرکۃ فی الطعام … الخ، حدیث:2484و صحیح مسلم، الإیمان، باب الدلیل علی أن من مات علی التوحید دخل الجنۃ قطعاً، حدیث:27