فکر فراہی اور اس کے گمراہ کن اثرات

پانچواں اصول: قرآن کی تفسیر میں حدیث کی کوئی اہمیت نہیں یہ مولانا فراہی کاپانچواں اصول ہے۔ حدیث کے بارےمیں اگرچہ موصوف تضادِ فکرکاشکارہیں یااس بارےمیں ان کی تصریحات فریب دہی کی تکنیک پرمبنی ہیں۔ اس لیے کہ بعض دفعہ زبان کی حد تک وہ اس کی کچھ حیثیت تسلیم بھی کرتےہیں لیکن اس کےمعاًبعدہی پلٹاکھاتےہوئے اس کویکسرغیراہم بھی قراردےدیتےہیں، اس کےلیے مقدمۂ نظام القرآن کی پہلی اوردوسری فصل ملاحظہ ہو۔ لیکن ان متضاد باتوں سے قطع نظرعملاًان کااوران کےاَتْباع کاجوموقف سامنے آتاہے، وہ یہی ہے کہ قرآن کی تفسیرمیں حدیث کی کوئی اہمیت نہیں ہے، چاہےوہ زبان سےلاکھ مرتبہ اس کےبرعکس دعویٰ کریں۔ پانچواں اصول: آسمانی(محرف)کتابوں سےتائیدحاصل کرنا یہ چھٹااصول بھی مولانا فراہی ہی کی تحریروں سےاخذہوتاہےاوران کےعمل سےبھی اس کی تائید ہوتی ہے۔ اس کا خلاصہ یہ ہے کہ قرآن کی تفسیر میں حدیث کی طرح یہ محرف آسمانی کتابیں بھی فروع کی حیثیت رکھتی ہیں تاہم ان سے گوناگوں فوائد حاصل ہوتےہیں۔ [1] اس لیے ان سے بھی استفادہ ضرور ی ہے۔ اور واقعہ یہ ہے کہ عملاً فراہی صاحب نے حدیث کے مقابلے میں ان تحریف شدہ کتابوں کو زیادہ اہمیت دی ہے حتیٰ کہ بعض مقامات پر توقرآنی حقائق کے مقابلےمیں ان محرف کتابوں کی تصریحات کوزیادہ صحیح قراردیاہے۔ نیز ان کی صحت پر اتنااعتمادکیاہےکہ قرآن کےنظم کی بھی موصوف نے دھجیاں اڑادی ہیں۔ اس کی مثال ملاحظہ ہو:

[1] مقدمہ نظام القرآن، ص:38۔