فکر فراہی اور اس کے گمراہ کن اثرات

تواس کو علماء کافعل باور کراکے ان کو یہ دوش دیناکہ انہوں نےیہ کہناشروع کردیاکہ حدِّزناوالی آیت اپنے ظاہرپرباقی نہیں رہی۔ علمائے اسلام کے متفقہ موقف کی غلط تعبیریاغلط ترجمانی ہے۔ علمائے اسلام کاقطعاً یہ موقف نہیں ہے کہ احادیث رجم سے حدِّ زناسے حدِّ زناوالی آیت اپنے ظاہر پرباقی نہیں رہی، یان احادیث سےاس آیت کاحکم منسوخ ہوگیا، وہ توصرف یہ کہتےہیں کہ حدیث رسول اور عمل رسول سے اس آیت کے عموم میں تخصیص ہوگئی ہے اور اس آیت کاحکم غیرشادی شدہ زانیوں کے لیے مخصوص قرارپایا ہے۔ بالخصوص جب کہ رسول اللہ صلی اللہ علیہ وسلم نےاس امر کی بھی صراحت فرمادی ہےکہ شادی شدہ زانیوں کےلیے رجم کاحکم بھی اللہ ہی کاحکم ہے، اسی لیے آپ نے اسےبھی کتاب اللہ ہی کافیصلہ قراردیاہے۔ ’’لأقضینّ بینکمابکتاب اللّہ ‘‘[1]۔ 4۔ اس لیے ”امام“فراہی کاعلمائے اسلام کی بابت یہ کہناکہ ”اس طرح انہوں نے یہ گمان کرلیاکہ کتاب کاحکم سنت سے بدل گیا۔ ‘‘ بڑاعجیب ہے۔ حدیث سے قرآن کےعموم کی تخصیص کوقرآن کے حکم کوتبدیل کرنےسےتعبیر کرنا، علمائے اسلام کے موقف کی نہایت کر یہہ تعبیر ہے جوحدیث رسول اور عمل رسول صلی اللہ علیہ وسلم کی اہمیت کابھی انکارہے اور ان علماء سے بغض وعنادکامظہربھی جوقرآن کی تفسیرمیں حدیث کوبجا طورپراصل واسا س کی حیثیت دیتےہیں۔ اس طرح یہ کہناکہ ”سنت کاحکم ایک ایسے فیصلے سے منسوخ ہوگیاجس کےبارے میں نہیں معلوم کہ وہ کب صادرہواتھا۔ “ پتہ نہیں اس سے موصوف کااشارہ کس فیصلے کی طرف ہے؟اگران کامطلب، حدیث رجم میں دودو سزاؤں کے بیان اور پھرعملاًایک ایک سزادینےکافیصلہ ہے، تواس کوبھی سنت کانسخ قرار دیناغلط ہے۔ جیساکہ ہم نے پہلے وضاحت کی ہے کہ دوسزاؤں میں سے بڑی سزادینے کے بعد ہلکی سزادینے کی ضرورت ہی باقی نہیں رہتی، یہ دنیاکامسلّمہ اصول اورضابطہ ہے۔ اور اس عبارت سےاگرموصوف کامطلب اس کےعلاوہ کوئی اور ہے تووہ ہم سمجھنےسے قاصرہیں، اسی طرح ان کا یہ قول اور اس کامطلب بھی ہماری فہم سےبالاہے۔ ” اسےصحیح تاویل پرمحمول کیاجاسکتاہے۔ “

[1] صحیح بخاری، کتاب الحدود، باب الاعتراف بالزنا، حدیث:6827-6828۔