فکر فراہی اور اس کے گمراہ کن اثرات

بیان کرتےہیں کہ حدیث سے قرآن پرکوئی اضافہ نہیں ہوتا۔ اس دوسرے جز کی رُوسے مولانافراہی اورگروہ فراہی جس حدیث کورد ّکرناچاہے، یاجوان کےخودساختہ نظریےکے خلاف ہو، وہ یہ کہہ کراس حدیث کورد ّکردیتےہیں کہ اس سے قرآن پراضافہ ہوتاہے، یایہ قرآن کے خلاف ہے۔ جب کہ حقیقت یہ ہے کہ کوئی صحیح حدیث نہ قرآن کے خلاف ہے اورنہ اس سے قرآن پراضافہ ہی ہوتاہے۔ اس قسم کے سارے دعوےانکارحدیث کےحیلےہیں۔ اپنے اس اصول کی وضاحت کےلیے کہ احادیث قرآن ہی سے مستنبط ہیں، ان سےقرآن کے کسی حکم پراضافہ نہیں ہوتا، مولانافراہی نےبعض مثالیں بیان کی ہیں۔ ہم مثال کے طورپراپنے موقف کےاثبات کے لیےکہ اس اصول کامقصد بھی احادیث سے جان چھڑانااورقرآن کی من مانی تفسیر کرناہی ہے، ایک نمونہ ان ہی کےاصل الفاظ میں پیش کرتےہیں۔ اقتباس اگرچہ لمباہے، لیکن اس خود ساختہ اصول اوراس میں مضمرگمراہیوں کی وضاحت کےلیے یہ ناگزیرہے، علاوہ ازیں یہ نمونہ فراہی گروہ کاایک ”شاہکاراستدلال“باورکرایاجارہاہے، پہلےقارئین اصل عبارت ملاحظہ فرمالیں، پھرہم وضاحت کریں گے کہ اس ایک نمونے ہی میں کتنی گمراہیاں موجودہیں جس کویہ حضرات ایک ”شاہکار“کےطورپرپیش کررہےہیں۔ مولانافراہی کا اصل اقتباس (عربی اورترجمہ) فراہی گروہ نے حدرجم کی متواتراورمتفق علیہ روایات کوردّ کرکے جوخودساختہ نظریہ ٔ رجم اختیارکیاہے، مولانا فراہی، اس کوقرآن سےمستنبط سمجھتےہیں اوراحادیث رجم کوقرآن کانسخ یاقرآن پراضافہ باورکراتےہیں۔ چنانچہ لکھتےہیں: ’’من الأحادیث التي أشبہ علی العلماء مأخذھا من القرآن ماجاء في حدّ الزنا، فظنوا أن قول الرسول ”البکربالبکرمائۃ جلدۃ وتغریب عام والثیّب بالثیّب مائۃ جلدۃ والرجم“ یلزم الرجم المحض الثیّب ومائۃ جلدۃ علٰی الکبر۔ وظنّوا أن حدالرجم علی ماعز و المرأۃ الأسلمیۃ نسخت مائۃ جلدۃ من الثیّب وتغریب عام فی البکر۔ وظنوا أن آیۃحدالزنا لم یبق علی ظاھرھافظنوا بتبدیل الکتاب بالسنۃ ثم تبدیل السنۃ بقضیۃ لایعلم وقتھا مع إمکان حملھا علی محمل صحیح۔ ‘‘