فکر فراہی اور اس کے گمراہ کن اثرات

وَالشُّهَدَاۗءِ وَالصّٰلِحِيْنَ ۚ وَحَسُنَ اُولٰۗىِٕكَ رَفِيْقًا﴾(النساء:69) باہمی تنازعات میں رسول اللہ صلی اللہ علیہ وسلم کےفیصلے اورآپ کی حاکمانہ حیثیت کے عدم تسلیم کوایمان کےمنافی قراردیا۔ ﴿فَلَا وَرَبِّكَ لَا يُؤْمِنُوْنَ حَتّٰي يُحَكِّمُوْكَ فِيْمَا شَجَــرَ بَيْنَھُمْ ثُمَّ لَا يَجِدُوْا فِيْٓ اَنْفُسِهِمْ حَرَجًا مِّمَّا قَضَيْتَ وَيُسَلِّمُوْا تَسْلِــيْمًا ﴾(النساء:65) علاوہ ازیں اپنےتنازعات کواللہ اوررسول کی طرف لوٹانےاوران سےفیصلہ لینے کوایمان باللّٰہ والیوم الآخرقراردیا﴿ فَإِنْ تَنَازَعْتُمْ فِي شَيْءٍ فَرُدُّوهُ إِلَى اللَّهِ وَالرَّسُولِ إِنْ كُنْتُمْ تُؤْمِنُونَ بِاللَّهِ وَالْيَوْمِ الْآخِرِ ذَلِكَ خَيْرٌ وَأَحْسَنُ تَأْوِيلًا﴾(النساء:59) اگرقرآن کی طرح حدیث کی محفوظیت یقینی نہ ہوتی توکیامذکورہ آیات قرآنیہ میں رسول کے احکامات اور اس کی اتھارٹی کی جوحیثیت بیان کی گئی ہے، وہ توسب بےمعنی قرار پاتی ہے۔ جب کہ یہ نصوص ِقرآنیہ اس بات کی متقاضی ہیں کہ حدیث بھی محفوظ ہو تاکہ قیامت تک مسلمان قرآن کی طرح احکاماتِ رسول سے بھی رہنمائی حاصل کرتےرہیں۔ اگرحدیث کی محفوظیت یااس کی دینی حجت تسلیم نہ کی جائے توان آیات میں رسول کی حیثیت -بہ حیثیت مطاع-رسول کی زندگی تک محدودہوجاتی ہے۔ کیاواقعی ایساہے؟ آپ کی اطاعت اورآپ کی فائنل اتھارٹی صرف آپ کی زندگی تک ہی تھی اورآپ کی وفات کے بعدآپ کایہ مقام ومرتبہ ختم ہوجاناتھا؟ اورآپ کےبعد صرف قرآن ہی وہ واحدکتاب ہے جوحجت ہے؟ پھرتوواقعی حدیث کی غیر محفوظیت کادعویٰ صحیح ہے۔ لیکن امت مسلمہ کے نزدیک تو نبی صلی اللہ علیہ وسلم کاوہ مقام ومرتبہ، جوقرآن کریم میں بیان کیاگیا ہے، قیامت تک کےلیے ہے۔ علاوہ ازیں یہ ختم نبوت کابھی لازمی تقاضاہے، اس لیے ان کے نزدیک حدیث کی محفوظیت بھی ضروری تھی اور اللہ تعالیٰ نےحدیث کو بھی -قرآ ن کی طرح-محفوظ کرکےختمی مرتبت سیدنا محمدرسول اللہ صلی اللہ علیہ وسلم کے مقام ومرتبہ کوقیامت تک کےلیےمحفوظ کردیاہے۔ ولوکرہ الکارھون دوسرا اصول: احادیث تمام ترقرآ ن سےمستنبط ہیں مولانافراہی کا یہ دوسرااصول ہے۔ یہ بھی پہلے اصول کی طرح بظاہر نہایت خوش نمااورقرآ ن کی عظمت کامظہرنظرآتاہے۔ لیکن پہلے اصول کی طرح اس کانتیجہ بھی انکارحدیث ہی ہے، کیونکہ اس اصول کادوسرا جزوہ یہ