فکر فراہی اور اس کے گمراہ کن اثرات

یوں حدیث کی تینوں قسموں کو فراہی گروہ نے بہ لطائف الحیل، یاقرآن کی”عظمت وتقدس“ کےخوش نماعنوان سے ردّکردیااوراس طرح قرآن کی من مانی تفسیرکرنے کارستہ چوپٹ کھول دیاجس کا ایک مختصر نمونہ ہمارےسامنے ”مجموعہ تفاسیرفراہی“ (تفسیرنظام القرآن) اورمکمل نمونہ تفسیر”تدبرقرآن “ہے۔ ان دونوں تفسیروں سے حدیث کےبارےمیں اس گروہ کاوہ موقف واضح ہوکرسامنے آگیاہے جس کی وضاحت ہم خود ان کے”امام“کی تصریحات کی روشنی میں کی ہے۔ یہ گروہ تومنافقت یادوعملی کامظاہرہ کرتےہوئےحدیث کےماننے کادعویٰ کررہاہے لیکن ان کاعمل اوررویہ ان کےاس زبانی دعوے کی تردید کررہاہے۔ اب یہ فیصلہ اہل انصاف اوراہل شعور نے کرناہے کہ جس گروہ کاعمل اس کےزبانی دعوے سے یکسرمختلف بلکہ اس کے برعکس ہوتوفیصلہ صرف زبانی دعوےکی بنیاد پرہوگایاعمل اورمسلسل رویے کی بنیادپر؟ حدیث رسول کاماننا، قرآن کریم کی رُو سےبھی فرض ہے حدیث رسول کےماننےاوراس کی قرارواقعی حیثیت تسلیم کرنےکی تیسری دلیل قرآن مجید کی وہ نصوصِ صریحہ ہیں جن میں اللہ تعالیٰ نےاپنی اطاعت کےساتھ اپنےرسول کی اطاعت کابھی حکم دیابلکہ اس سے بھی بڑھ کررسول کی اطاعت کواپنی اطاعت قراردیاہے۔ ﴿أَطِيعُوا اللَّهَ وَأَطِيعُوا الرَّسُولَ﴾(النساء:59)کےساتھ اللہ نے فرمایا ﴿مَنْ يُطِعْ الرَّسُولَ فَقَدْ أَطَاعَ اللَّهَ ﴾(النساء:80)جس نےرسول اللہ صلی اللہ علیہ وسلم کی اطاعت کی، اس نےیقیناً اللہ کی اطاعت کی۔ نیز رسول کی بعثت کامقصد ہی یہ بیان فرمایاکہ اس کی اطاعت کی جائے، ﴿وَمَا أَرْسَلْنَا مِنْ رَسُولٍ إِلَّا لِيُطَاعَ بِإِذْنِ اللَّهِ﴾(النساء:64)ہم نے رسولوں کےبھیجنےکاسلسلہ قائم ہی اس لیے کیاہے کہ اللہ کےحکم سےان کی اطاعت کی جائے۔ اسی طرح اللہ تعالیٰ نے رسول کےفیصلے سےانحراف کواپنے فیصلے سےانحراف، رسولوں کی نافرمانی کواپنی نافرمانی قراردیا۔ ﴿ وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَنْ يَكُونَ لَهُمُ الْخِيَرَةُ مِنْ أَمْرِهِمْ وَمَنْ يَعْصِ اللَّهَ وَرَسُولَهُ فَقَدْ ضَلَّ ضَلَالًا مُبِينًا﴾(الاحزاب:36)ہرجگہ اپنی اطاعت کےساتھ الرسول کی اطاعت کونجات کاذریعہ قراردیا۔ ﴿وَمَنْ يُّطِعِ اللّٰهَ وَالرَّسُوْلَ فَاُولٰۗىِٕكَ مَعَ الَّذِيْنَ اَنْعَمَ اللّٰهُ عَلَيْهِمْ مِّنَ النَّبِيّٖنَ وَالصِّدِّيْقِيْنَ