فکر فراہی اور اس کے گمراہ کن اثرات

حالانکہ واقعہ یہ ہے کہ 99فیصداحادیث اصطلاحی طورپرآحاد ہیں۔ اگرحدیث واحد حجت نہیں توسارا ذخیرۂ احادیث یکسرغیرمعتبرقرارپاتاہے۔ پھرصرف وہی احادیث- اس عنوان کے تحت-مردود کیوں ہوں جن سےاہل اغراض کےخود ساختہ نظریات کابطلان واضح ہوتاہے۔ جب کہ جن احادیث سے ان کے باطل نظریات کوکچھ سہاراملتاہے یاوہ ان سے غلط استدلال کرکے ان سےاپنا مدعاثابت کرتےہیں، وہ بھی تواحادیث آحادہی ہیں، پھران سےاستدلال کےکیامعنی ؟ بہرحال احادیث آحاد کی حجت پرہم تفصیلی بحث اصلاحی صاحب کی ”شروح بخاری“پرنقد کےضمن میں کرآئےہیں، اس لیے یہاں مزیدتفصیل کی ضرورت نہیں ہے۔ یہاں ہم فراہی صاحب کے ضمن میں صرف یہی عرض کریں گےکہ موصوف نے بھی انکارحدیث کے اس ”مسلّمہ اصول“ کواستعمال کیاہے۔ چنانچہ وہ لکھتےہیں: ”جب ایسے اصطلاحی الفاظ کامعاملہ پیش آئے جن کی پوری تعریف اورتصویرقرآ ن میں بیان نہ ہوئی ہوتوان کے بارےمیں خوامخواہ کواخبارآحاد پرنہیں جم جاناچاہیےورنہ اس کانتیجہ یہ ہوگاکہ خود بھی شک میں پڑوگے اور دوسروں کےاعمال کوبھی غلط ٹھہراؤ گے اور ان سے جھگڑوگےاور تمہارے درمیان کوئی چیز ایسی نہیں ہوگی جواس جھگڑےکافیصلہ کرسکے۔ ایسی صورتوں میں صحیح راہ عمل یہ ہے کہ جتنے حصے پرامت متفق ہے اتنے پرقناعت کرواورجن چیزوں کے بارےمیں کوئی نصّ صریح اور متفق علیہ عمل نبی صلی اللہ علیہ وسلم کاموجود نہیں ہے ان میں اپنے دوسرے بھائیوں سے جھگڑانہ کرو، جہاں تک اصطلاحات شرعیہ کاتعلق ہے، قرآ ن کی اسی وسیع شاہراہ پر چلناچاہیے۔ “[1] یہ پورا اقتباس ژولیدہ فکری کامظہرہے یااحادیث سے گریز واعتراض کی ترغیب پر مبنی ہے۔ اس میں پہلی چیز اخبار آحاد کے عنوان سے احادیث سےگریزاختیارکرنےکی نہ صرف ترغیب ہے بلکہ احادیث کو لڑائی جھگڑےکاباعث قراردیاہے۔ جب کہ واقعہ اس کےبرعکس ہےحدیث وحدت امت کی ضامن ہے اورفہم قرآن کےتنازعات میں بھی حجت قاطع ہے۔ دوسری بات یہ کہی گئی ہے کہ جتنےحصے پرامت متفق ہے اتنے پرقناعت کرواورجن چیزوں کے بارے میں

[1] مقدمہ نظام القرآن، ص:40