فکر فراہی اور اس کے گمراہ کن اثرات

یہی حدیث سنن ابن ماجہ میں بھی ہے۔ اس کےآخری الفاظ یہ ہیں: ’’ أَلَا وَإِنَّ مَا حَرَّمَ رَسُولُ اللّٰهِ صلى اللّٰه عليه وسلم مِثْل مَا حَرَّمَ اللّٰهُ۔ ‘‘ ”خبردار!بےشک جس چیز کورسول اللہ صلی اللہ علیہ وسلم نےحرام قراردیاہے، وہ اسی طرح حرام ہے جس کواللہ نے حرام کیاہے۔ “[1] کتنی واضح صراحت ہے کہ’’ مِثْلَہُ مَعَہُ ‘‘سےمراد حدیث رسول ہے نہ کہ صرف فہم و بصیرت۔ ’’ مِثْلَہُ مَعَہُ ‘‘سےرسول اللہ صلی اللہ علیہ وسلم تو اپنا تشریعی حق مراد لے رہے ہیں اور اسے اللہ کی طرف سے اللہ کا عطاکردہ اورقرآن ہی کی مثل قراردےرہے ہیں۔ لیکن فراہی صاحب فرمارہے ہیں اس سے حدیث مراد نہیں ہے۔ ”آحاد“کےعنوان سےاحادیث کاانکار ”آحاد“ایک فنّی اصطلاح ہے جوحدیث متواترکےمقابلےمیں استعمال ہوتی ہےاور اس کامطلب صرف احادیث کی درجہ بندی یافرق مراتب کی وضاحت ہے نہ کہ احادیث ”آحاد“ کوغیراہم یاغیرمحفوظ قرار دیناکیونکہ اگریہ مفہوم مرادہوتاتو احادیث کےجمع وحفاظت اوران کی تدوین اوران سےاحکام ومسائل کااستنباط ہی نہ کیاجاتا۔ لیکن محدثین نے یہ سب کچھ کیاہے، ان کومحفوظ بھی کیاہے، ان کی فقہی تبویب کرکے ان سےاحکام ومسائل بھی اخذکیےہیں، ان کےنقدوتحقیق کے اصول وضوابط بھی وضع کیے، راویان حدیث کے حفظ وضبط، ان کی عدالت وثقاہت وغیرہ معلومات کے حصول کےلیے اسماء الرجال کابے مثال فن نہ صرف ایجادکیابلکہ اس کوحد کمال تک پہنچایا۔ یہ ساری کاوش ومحنت صرف حدیث رسول کومحفوظ کرنےکےلیے کی گئی ہے۔ اس وقت حدیث کوحدیث ہی کہاجاتاتھا، ”تواتر ’“یا”آحاد “کاکوئی تصورہی نہیں تھا۔ بعد میں جب فقہی مذاہب پیداہوئے اوران میں جمود بھی آگیاتوحدیث وفقہ کے ٹکراؤنےاحادیث سے گریزکارجحان پیداکیا، اس کےتحت کچھ ایسے اصول وضع کیےگئےجن سے احادیث سے جان چھڑانا آسان ہوجائے۔ تواتروآحادکی یہ بےضرر سی فنی تقسیم کوبھی ایسے لوگوں نےغلط معنی پہنادیے اوراحادیث آحاد یااخبارآحادکوبھی احادیث سےاعراض یاانکارکاعنوان بنادیاگیا۔

[1] سنن ابن ماجہ، باب تعظیم حدیث رسول اللہ، حدیث:12۔