فکر فراہی اور اس کے گمراہ کن اثرات

کیاتاریخ اور قدیم صحیفوں میں تحقیق کایہ اہتمام ہواہے؟ پھرحدیث کوبھی ان ہی کے مرتبہ ومقام پررکھنا، کتنابڑاظلم ہے جوفراہی صاحب نے کیاہےاور اس کے بعد پورا حلقۂ فراہی اسی تال سرمیں اس”نغمے“ کوالاپ رہاہے۔ اناللّٰہ واناالیہ راجعون دوسری غلط فہمی یامغالطہ دہی حدیث کو بزعم خویش ظنی اور مشتبہ قراردینے کےبعد فراہی صاحب فرماتےہیں: ”پس جوشخص قرآن مجیدکوسمجھناچاہتا ہے اس کے لیےضروری ہےکہ وہ روایات کےذخیرے میں سے ان روایات کونہ لےجواصل کوڈھانےوالی ہوں۔ بعض روایتیں ایسی ہیں کہ اگران کی تاویل نہ کی جائے توان کی زدبراہ راست اصل پرپڑتی ہے اور ان سے سلسلۂ نظم درہم برہم ہوتاہے۔ ‘‘ [1] اس اقتباس میں یہی غلط فہمی یامغالطہ دہی کی تکنیک کارفرماہے کہ ذخیرۂ احادیث میں ایسی روایات بھی ہیں جواصل کوڈھانےوالی یاسلسلۂ نظم کودرہم برہم کرنےوالی ہیں۔ یہ دعویٰ بھی یکسرخلاف واقعہ ہے۔ کوئی صحیح حدیث نہ قرآن کو ڈھانے والی ہے اور نہ نظم کو درہم برہم کرنے والی ہے۔ بلکہ اصل بات یہ ہے کہ جو حدیث ایسے لوگوں کےنظریۂ باطل کےخلاف ہوتی ہےجس نظریےکووہ قرآن کے”مطابق“قراردیتےہیں، وہ نظریہ مطابقِ قرآن ہرگزنہیں ہوتا، اس پرصرف لیبل قرآن کالگادیاجاتاہےاور پھرباورکرایاجاتاہے کہ یہ حدیث قرآن کے خلاف ہے۔ اس کی واضح مثال یہ ہے کہ فراہی گروہ حدرجم کونہیں مانتااورکہتاہے کہ یہ قرآن کےخلاف ہے۔ کیاواقعی ایسا ہے؟ حدرجم قرآن کےخلاف ہے؟ کیایہ قرآن کوڈھانےوالی ہے؟ اگرایساہے تورسول اللہ صلی اللہ علیہ وسلم نےیہ حد کیوں نافذ فرمائی؟ خلفائےراشدین نےکیوں نافذفرمائی؟ اور آج تک امت مسلمہ کےنزدیک یہ مسئلہ کیوں اجماعی ہے؟حتیٰٰ کہ اس میں کسی بھی اہل سنت کااختلاف نہیں ہے۔ اسی طرح نظم کا مسئلہ ہے، بتلایاجائے، احادیث ِ رجم سے قرآن کاکون سانظم درہم برہم ہواہے؟ ہاں فراہی گروہ کاقصرنظم ضرورزمین بوس ہوجاتاہےاوراس کےاستدلال کاساراتارپود بکھرجاتاہے۔

[1] مجموعہ تفاسیر فراہی، ص:37۔