فکر فراہی اور اس کے گمراہ کن اثرات

علاوہ ازیں یہ فتنہ صرف انکارحدیث تک محدودنہیں ہے بلکہ اس کالازمی نتیجہ اس منصب رسالت پر ڈاکہ زنی ہے جواللہ تعالیٰ نے رسول اللہ صلی اللہ علیہ وسلم کوقرآن مجید کی اس آیت میں عطافرمایاہے: ﴿وَأَنْزَلْنَا إِلَيْكَ الذِّكْرَ لِتُبَيِّنَ لِلنَّاسِ مَا نُزِّلَ إِلَيْهِمْ وَلَعَلَّهُمْ يَتَفَكَّرُونَ﴾ (النحل:44) ”یہ ذکرہم نےآپ پراس لیے نازل کیاہے کہ اس میں لوگوں کےلیےجونازل کیاگیاہے آپ اس کی توضیح وتشریح کریں۔ “ اللہ تعالیٰ کے عطاکردہ اس منصب یاحکم کی رُوسے آپ صلی اللہ علیہ وسلم نے قرآن کے اجمالات کی تفصیل بیان فرمائی، اس کے عمومات میں تخصیص فرمائی، علاوہ ازیں القائےربانی اور وحئ خفی کےذریعےسے بہت سے ایسے احکام بھی بیان فرمائے جن کاذکر قرآن مجیدمیں نہیں ہے۔ اس فتنے کے بانیان، ان کے ہم نوااوراس کو ہوادینےوالے رسول اللہ صلی اللہ علیہ وسلم کےاس منصب کاتوانکار کر رہےہیں اوربرملاکہہ رہےہیں کہ ایسے مذکورہ حدیثی احکام، جورسول اللہ صلی اللہ علیہ وسلم نےبیان فرمائے ہیں، قرآن پر اضافہ (زیادتی) اس کی توہین یاقرآن کانسخ ہے اوریہ حق رسول اللہ صلی اللہ علیہ وسلم کوبھی حاصل نہیں ہے۔ لیکن خود اپنے آپ کواس ”منصب“کااہل سمجھتےہیں اورجوچیزقرآن میں نہیں ہے وہ اپنی طرف سے قرآن کے نام پرقرآن کے سرمنڈھ رہےہیں۔ مثال کے طورپر قرآن میں اور اسلام میں غنڈہ گردی اور اوباشی کی کوئی سزابیان نہیں ہوئی ہے۔ لیکن اس فتنے کے شکاراہل قلم اس فتنے کےبانی حمیدالدین فراہی کویہ کریڈٹ دےرہےہیں کہ انہوں نے تیرہ سوسال کے بعد قرآن سے یہ سزاڈھونڈنکالی ہے۔ [1] جاویداحمدغامدی نےقرآن کریم پراس ”اضافے“کوجس کاحق ان کےنزدیک اللہ کےرسول کو بھی نہیں ہے، فراہی صاحب کویہ حق دے کر اس حق کو”عظیم کارنامے“کےطورپربڑےفخریہ انداز میں بیان کیاہے اور تیرہ سو سال تک رسول اللہ صلی اللہ علیہ وسلم اور صحابۂ کرام سمیت تمام امت کے مفسرین، محدثین، ائمۂ کرام اور علماء کواس سے ”بےخبر“قرار دیاہے۔ قابل غوربات یہ ہے کہ جب قرآن کی، پیغمبرانہ تبیین، قرآن میں اضافہ اور اس کی اہانت ہےتوفراہی ”تبیین“

[1] ملاحظہ ہوجاویداحمدغامدی کی کتاب ”برھان“، ص:57، 88-89۔