فکر فراہی اور اس کے گمراہ کن اثرات

غالب نکتہ داں سے کیا نسبت خاک کو آسماں سے کیا نسبت ( مقامات، صفحہ:57۔ 58، طبع:دسمبر2001ء )‘‘ (غامدی مذہب کیاہے؟از پروفیسرمولانامحمدرفیق۔ صفحہ:11-12، طبع:2007ء) مذکورہ بالااقتباس سے یہ بات بالکل واضح ہوگئی کہ تجدد کے نام پر یہ طبقہ عصرحاضر میں حدیث رسول صلی اللہ علیہ وسلم کے حوالے سے نیش زنی کرکے حدیث رسول صلی اللہ علیہ وسلم کی اہمیت کو گرانے کی بھرپور مذموم وناکام سعی میں مشغول ہے۔ ایسے متجددین پر امیرالمؤمنین سیدناعمربن خطاب رضی اللہ عنہ کایہ قول بالکل درست صادق آتاہے، وہ فرماتے ہیں: (سیأتی قوم یأخذونکم بمتشابہ القرآن فخذوھم بالسنن فإن أصحاب السنن أعلم بکتاب اللّٰہ) (سنن دارمی، باب التورع عن الجواب فیمالیس فیہ کتاب ولاسنۃ، 1/240، رقم:121) ’’عنقریب ایسے لوگ آئیں گے جوقرآن کے متشابہات پر تم سے جھگڑاکریں گے، توان کوحدیثوں کے ساتھ جواب دو کیونکہ اصحاب سنن، اللہ کی کتاب کوزیادہ جانتے ہیں۔ ‘‘ اللہ تعالیٰ کے فضل وکرم سے المدینہ اسلامک ریسرچ سینٹر کی جانب سے دفاع حدیث انسائیکلوپیڈیا کی یہ دوسری جلد پیش خدمت ہے۔ امید ہے کہ اس کے مطالعہ سے قارئین باتمکین کے ذہنوں سے حدیث رسول صلی اللہ علیہ وسلم کے حوالے سے پیداہونے والے شکوک و شبہات دور ہوجائیں گے، ان شاءاللہ۔ راقم آثم اپنے ادارہ کے مشائخ کامشکورہے جنھوں نے اس علمی کام کو پایۂ تکمیل تک پہنچانے میں معاونت کی، خصوصاًالشیخ خالد حسین گورایہ، مدیرقسم البحث العلمی کاکہ انھوں نے کتاب کی مراجعت کے سلسلےمیں رہنمائی فرمائی اور بھرپور معاونت کی۔ جزاھماللّٰه خیراوأحسن الجزاء۔ کتبہ خویدم العلم وأھلہ عبدالمجید محمد حسین بلتستانی رفیق المدینہ اسلامک ریسرچ سینٹرڈیفنس کراچی اپریل 2019ء