فکر فراہی اور اس کے گمراہ کن اثرات

متصل نہیں ہے۔ یہ بھی کہاجاسکتاہےکہ یہ پوری دعاابراہیم علیہ السلام نےاسماعیل علیہ السلام کےبڑے ہونے اوراسحاق علیہ السلام کے پیداہونے کےبعدکی ہے، لیکن روایات سے اس کےخلاف معلوم ہوتاہے۔ “[1] 2۔ قربانی سے متعلق خواب قرآن میں ہے کہ حضرت ابراہیم علیہ السلام نےایک خواب دیکھاکہ وہ اپنےبیٹےکوذبح کررہے ہیں۔ انہوں نےاس خواب کاتذکرہ بیٹے سے کیااورپھردونوں بعینہ خواب کوعملی جامہ پہنانے پرآمادہ ہوگئے۔ مولانافراہی رحمہ اللہ کاخیال ہے کہ یہ خواب تمثیلی تھااوراس کی تعبیریہ تھی کہ وہ اپنے بیٹےکوخداکےگھرکی خدمت کےلیے وقف کردیں۔ چناچہ انہوں نےواقعہ ٔ قربانی پربحث کرنے سے پہلے جواصولی باتیں درج کی ہیں ان میں یہ بھی ہے: ”غیب کے اسرارواحوال کبھی کبھی رؤیاکی شکل میں منکشف ہوتےہیں۔ یہ رؤیاکبھی توسپیدہ ٔ صبح کی مانند بالکل روشن اورواضح ہوتی ہےاورکبھی تمثیل کے رنگ میں ہو تی ہے۔ جس طرح کلام کی مختلف حالتیں ہوتی ہیں، کوئی کلام نہایت تصریح کے ساتھ اپنے مفہوم کوبتادیتاہے، کوئی استعارہ کےرنگ میں ہونے کی وجہ سے تاویل وتعبیرکامحتاج ہوتاہے۔ اسی طرح رؤیاکی بھی مختلف حالتیں ہوتی ہیں۔ یہ دوسری قسم کی رؤیاتعبیر کی محتاج ہوئی ہے اورتعبیربعض اوقات اس قدردقیق ہوتی ہے کہ خود صاحب رؤیاسے بھی مخفی رہ جاتی ہے۔ حضرت یوسف علیہ السلام کےدونوں جیل کےساتھیوں اورپھربادشاہ نے جوخواب دیکھا تھا، قرآن مجیدمیں مذکورہے کہ اس کی تاویل سمجھنے سے وہ قاصررہے۔ تورات میں بخت نصراوردانیال نبی کے بھی بعض اسی قسم کےخواب مذکورہیں جن کی تاویلیں ان پربہت بعدمیں کھلیں۔ یہی صورتِ حالات بعض مرتبہ انبیاء کوبھی پیش آجاتی ہیں۔ فہمِ تعبیرایک مخصوص علم ہے جواللہ تعالیٰ کی بخشی ہوئی ایک مخصوص بصیرت ومعرفت پرمبنی ہے۔ سورۂ یوسف میں :﴿وَعَلَّمْتَنِي مِن تَأْوِيلِ الأَحَادِيثِ﴾”میں اسی علم کی طرف اشارہ فرمایاہے۔ “[2] مولانافراہی نے پھرتورات کے مختلف حوالوں سے یہ ثابت کرنے کی کوشش کی ہے کہ شریعتِ ابراہیمی میں قربانی

[1] رازی، تفسیرکبیر، 13/254 [2] ذبیح کون ہے؟ص:20