فکر فراہی اور اس کے گمراہ کن اثرات

علامہ ابن کثیر رحمہ اللہ نےآیت کی تفسیر میں لکھا ہے: ’’سورۂ ابراہیم میں حضرت ابراہیم علیہ السلام کی جو دعا مذکور ہے وہ مکہ آباد ہوجانے اور خانۂ کعبہ کی تعمیرہوجانے کے بعدکی ہے، اس لیے انہوں نے اسماعیل علیہ السلام اوراسحاق علیہ السلام کے عطا ہونے پر اللہ تعالیٰ کا شکریہ ادا کیا تھا۔ اسماعیل اور ان کی ماں کو مکہ میں آباد کرتے وقت انہوں نے جو دعا کی تھی وہ دوسری ہے جوسورۂ بقرہ میں مذکور ہے۔ [1] اسی طرح انہوں نےآیت:﴿رَّبَّنَا إِنِّي أَسْكَنتُ مِن ذُرِّيَّتِي۔ ۔ کی تفسیر میں لکھا ہے کہ: ’’یہ دعا اس دعا کے علاوہ ہے جو انہوں نے ہاجرہ اور اسماعیل علیہ السلام کوچھوڑ کر واپس آتے ہوئے کی تھی۔ یہ دوسری دعا ہے جو انہوں نے خانۂ کعبہ کی تعمیر کے بعد کی ہے۔ ‘‘[2] لیکن ابن جریرطبری[3]فخرالدین الرازی [4]اوربعض دوسرے مفسرین نے لکھاہے اوربخاری کی مذکورہ روایت میں بھی ہے کہ حضرت ابراہیم علیہ السلام جب اسماعیل علیہ السلام اورہاجرہ کو وادی میں چھوڑ کرواپس ہوئے توخانۂ کعبہ کی طرف رخ کرکے یہ دعاکی۔ اس صورت میں یہ کہاجائے گاکہ سورۂ ابراہیم میں حضرت ابراہیم علیہ السلام کی جوطویل دعاہے وہ ایک ہی موقع کی نہیں، بلکہ دومواقع کی ہے:﴿رَّبَّنَا إِنِّي أَسْكَنتُ......﴾والی دعا اسماعیل علیہ السلام کوآبادکرتےوقت کی ہے اوربقیہ دعاخانہ ٔ کعبہ کی تعمیرکے بعد(جب اسحاق علیہ السلام پیداہوچکےتھے)کی ہے۔ فخر الدین الرازی رحمہ اللہ نے بھی آیت کی یہی تفسیرکی ہے اورمذکورہ اعتراض کاجوا ب دیتےہوئے لکھاہے: ”اگریہ اعتراض کیاجائے کہ ابراہیم علیہ السلام نےیہ دعااس وقت کی ہے جب اسماعیل علیہ السلام اورہاجرہ کووادی میں لاکرآبادکیاتھا۔ اوراس وقت تک اسحاق پیدانہ ہوئے تھے، پھروہ کیوں کرکہہ سکتےتھے۔ ﴿الْحَمْدُ لِلّٰهِ الَّذِي وَهَبَ لِي عَلَى الْكِبَرِ إِسْمَاعِيلَ وَإِسْحَاقَ﴾اس کاجواب ہم یہ دیں گے کہ قاضی[5]نے کہا کہ اس سے معلوم ہوتاہے کہ ابراہیم علیہ السلام نے یہ دعابعد میں کسی زمانے میں کی ہے۔ پہلے کی آیت میں جودعامذکور ہے اس سے

[1] ذبیح کون ہے:ص:89-90 اور ص:147-148 [2] 1ابن کثیر، تفسیرجلد2/ص:541، تفسیرآیت مذکور [3] بن جریرطبری، جامع البیان، 13/152، تفسیرآیت مذکور۔ [4] فخرالرازی، مفاتیح الغیب موسوم بہ تفسیرکبیر13/254۔ [5] غالباًقاضی سے مراد قاضی عبدالجبار معتزلی ہیں، جن کاحوالہ رازی دیاکرتےہیں۔