فکر فراہی اور اس کے گمراہ کن اثرات

هَبْ لِي مِنَ الصَّالِحِينَ ففَبَشَّرْنَاهُ بِغُلَامٍ حَلِيمٍف فَلَمَّا بَلَغَ مَعَهُ السَّعْيَف-----وَبَشَّرْنَاهُ بِإِسْحَاقَ نَبِيًّا مِنَ الصَّالِحِينَ ﴾(الصافات:100-103، 112) ان آیات میں حضرت ابراہیم علیہ السلام کودوبیٹوں کی بشارت دی گئی ہے۔ پہلےبیٹےکانام مذکورنہیں دوسرے کانام مذکورہے۔ اس لیے پہلی بشا رت میں لامحالہ اسماعیل مرادہوں گے۔ اسی بناپرنص آیت سے ثابت ہوتاہے کہ اسماعیل علیہ السلام باپ ہی کےزیر سایہ اسحاق سے بہت پہلے سن رشد کوپہنچ چکےتھے۔ دوسری جگہ قرآن میں ’سورۂ ابراہیم ‘میں وہ دعامذکورہے جواسماعیل علیہ السلام کوآبادکرتےہوئےانہوں نے کی تھی : ﴿رَّبَّنَا إِنِّي أَسْكَنتُ مِن ذُرِّيَّتِي بِوَادٍ غَيْرِ ذِي زَرْعٍ ----اس کے آخر میں ہے:الْحَمْدُ لِلَّهِ الَّذِي وَهَبَ لِي عَلَى الْكِبَرِ إِسْمَاعِيلَ وَإِسْحَاقَ﴾اس سے بھی ثابت ہوتاہے کہ اسماعیل علیہ السلام کےمکہ آنے کےوقت اسحاق پیداہوچکےتھے۔ تورات سےثابت ہےکہ اسماعیل علیہ السلام اسحاق علیہ السلام سےتیرہ برس بڑے تھے۔ بخاری کی کتاب الرؤیااورکتاب الانبیاء میں حضرت ابن عباس رضی اللہ عنہما سےجوحدیث اسماعیل علیہ السلام کے شیرخوارگی سےمتعلق ہے وہ مرفوع نہیں، یعنی اس کاسلسلہ آں حضرت صلی اللہ علیہ وسلم تک نہیں پہنچتا( بجز چندخاص ضمنی فقروں کے) اس لئے وہ حضرت ابن عباس رضی اللہ عنہما کی اسرائیلیات میں سے ہے اوراس کاثبوت آج بھی موجودہے۔ بخاری میں اس کےمتعلق جوطویل حدیث ہے وہ بجز جرہم اورمکہ کےذکرکے مدراش اورتاملود میں بعینہ حرف بحرف موجود ہے۔ ‘‘[1] سیدصاحب رحمہ اللہ نے یہ نہیں بتایاکہ جو ’چندخاص ضمنی فقرے ‘مرفوع ہیں وہ صحیح ہیں یانہیں؟ اگرصحیح ہیں توکیااس سے واقعہ کےدوسرےاجزاء کابھی اثبات نہیں ہوتا؟ انہی چندخاص ضمنی فقروں کےبارے میں مولاناسیدابوالاعلی مودودی رحمہ اللہ رقم طرازہیں: ”بخاری میں اس واقعہ کوحضرت ابن عباس رضی اللہ عنہما کےحوالہ سے تفصیل کےساتھ بیان کیاگیاہے اوراس روایت میں جس طرح ابن عباس رضی اللہ عنہما نےجگہ جگہ رسول اللہ صلی اللہ علیہ وسلم کےارشادات نقل کیے ہیں اس سے معلوم ہوتاہے کہ جوکچھ وہ بیان کررہے ہیں وہ حضور صلی اللہ علیہ وسلم سے سن کربیان کررہے ہیں۔ [2]

[1] سیدسلیمان ندوی، ارض القرآن، دوم، ص:42-44 [2] مولاناابوالاعلیٰ مودودی، سیرت سرورعالم، مرکزی مکتبہ اسلامی پبلشرزنئی دہلی، دوم، ص:56