فکر فراہی اور اس کے گمراہ کن اثرات

کےلیے آئےہوں گے وہ اپنی عادت کےمطابق جنگ کی تیاری کےساتھ نہیں آئے ہوں گے، اس لیے کہ وہ حرام مہینوں میں جنگ کوگناہ کاکام سمجھتےتھے۔ روایات میں ہے کہ ابرہہ نے اعلان کردیاتھاکہ وہ جنگ کرنانہیں چاہتا، صرف خانۂ کعبہ کوڈھانے کےمقصدسےآیاہے۔ عربوں کویقین تھا کہ اللہ تعالیٰ ضروراپنےگھرکی حفاظت کرےگا۔ شایدانہوں نے یہ بھی سوچاہوکہ اگرابرہہ خانۂ کعبہ کے انہدام میں کام یاب ہوگیاتوکیاہوا؟ اس کے واپس جانے کے بعدوہ دوبارہ پہلے سے بہتراس کی تعمیر کرلیں گے۔ مزیدبرآں، قریش کی زندگی تجارت پرموقوف تھی۔ ان کاخیال تھاکہ ابرہہ سے جنگ کرنے سےانہیں دوپہلوؤں سے نقصان ہوگا:یاتووہ مغلوب ہوجائیں گے یایمن، حبشہ اورشام سے ان کی تجارت کاسلسلہ منقطع ہوجائے گا۔ شام سے اس لیے کہ اس وقت شام روم کےتابع تھا اورحبشہ اورروم کےدرمیان گہرےتعلقات تھے۔ اس تفصیل سےواضح ہواکہ اُن حالات میں قریش کاابرہہ سےجنگ نہ کرنامستبعد نہیں تھا۔ اس میں ان کے لیے عارکی کوئی بات نہیں تھی اور نہ یہ ان کی غیرت وحمیت کے منافی تھا۔ 4۔ ابرہہ کی آمد کازمانہ لیکن یہ بات صحیح نہیں کہ ابرہہ ایام حج میں مکہ مکرمہ آیاتھا۔ اصحاب سیرنے لکھاہے کہ اس کی آمدمحرم کےنصفِ آخرمیں ہوئی تھی۔ [1]معلم فراہی نے ابرہہ کے موسمِ حج میں آنے کی دلیل یہ دی ہے کہ بعض شعراء نے اپنے اشعارمیں اس واقعہ کاتذکرہ کرتےہوئےکہاہے کہ ابرہہ کے آدمی جن اونٹوں کوہنکالے گئے تھے ان کی گردنوں میں قلادے تھے۔ اس کامطلب یہ ہے کہ وہ قربانی کے اونٹ تھے۔ جن جانوروں کی گردنوں میں قلادے ہوں ان کاقربانی کےلیے متعین ہوناضروری نہیں۔ اہل عرب جن جانورں کوچوری اورلوٹ سے بچانا چاہتےتھےان کی گردنوں میں بھی قلادے ڈال دیتےتھے۔ اس لیے حرم کے احترام کی وجہ سے چورڈاکوقلادہ والے جانورں پرہاتھ ڈالنے سے گریز کرتےتھے۔ سلف کی ایک جماعت سے آیت ﴿يٰٓاَيُّھَا الَّذِيْنَ اٰمَنُوْا لَا تُحِلُّوْا شَعَاۗىِٕرَ اللّٰهِ وَلَا الشَّهْرَ الْحَرَامَ وَلَا الْهَدْيَ وَلَا الْقَلَاۗىِٕدَ﴾ (المائدہ:2)

[1] السھیلی، الروض الانف:1/270۔